Қырҭтәыла аҧыза-министр Иракли Кобахиӡе Иеиду Арабтәи Аемиратқәа ахада, ашеих Моҳаммед Бин Заиед Аль Наҳиан диҧылеит.

Аиҧылараҿы Қырҭтәылеи Иеиду Арабтәи Аемиратқәеи рыбжьара ҩ-ганктәи еизыҟазаашьақәа рҿиараҿы иҟоу адинамика бзиа иалацәажәеит, ишазгәаҭаз ала, уи аполитикатә аимадарақәа рырҕәҕәара иацхраауеит. Ари аганахьала ҷыдала иазгәаҭан Иеиду Арабтәи Аемиратқәа ахада ҵыҧх Қырҭтәыла имҩаҧигаз авизит аҵакы ду.

Аганқәа рхаҭарнакцәа ахәаахәҭра-економикатәи аинвестициатәи усхкқәа рҿы аусеицура арҭбааразы иҟоу алшарақәагьы ирылацәажәеит. Иаҵшьны иазгәаҭан аилахәыра „Игл Ҳилс“ Қырҭтәыла иаланаҵаз 6,6 миллиард адоллар аинвестициа аҭоурыхтә ҵакы, иара убас, ҷыдала иазгәаҭан Иеиду Арабтәи Аемиратқәа аинвестициала Қарҭ имҩаҧгоу Абаҕәаза ба апроект ароли  егьырҭ аинвестициатә еилахәыра дуқәа Қырҭтәыла қәҿиарала русура аҵаки.

Абу-Даби имҩаҧысуа Иҭышәынтәалоу аҿиара амчыбжь ассесиҿы Қырҭтәыла аҧыза-министр ивизит аҳәаақәа ирҭагӡаны имҩаҧгаз аиҧылара рхы аладырхәит Адәныҟатәи аусқәа рминистр Мака Боҷоришвилии, Аекономикеи иҭышәынтәалоу аҿиареи рзы аминистр Мариам Қвривишвилии, Аҧсабарахьчареи ақыҭанхамҩеи рзы аминистр Давиҭ Сонҕулашвилии, Аиустициа аминистр Паата Салиеи, аиҳабыра радминистрациа аиҳабы  Леван Жоржолиании.