«Иарбанзаалак акоҳабитациеи иарбанзаалак алибералтә фашизми ҳтәылаҿ иҟалом, уи ҳполитикатә усхәаҧштә аҿы ахадаратә ҵакы змоу азҵарақәа иреиуп», — иҳәеит аҧыза-министр Иракли Кобахиӡе аиҳабыра иахьатәи реилатәараҿы.

Иара иажәақәа рыла, аиҳабыра, амш аусхәаҧштә инақәырәшаны аусура нарыгӡоит, ҧшьышықәсатәи аиҳабыратә программеи алхрақәа раҧхьа ауаа ирырҭаз  ақәыргәыҕрақәеи рынагӡара иалагоит.

«Ҳтәылеи ҳуааҧсыреи русқәа маншәалахоит.  Ҳара амш аусхәаҧштә инақәырәшаны аусура наҳагӡоит, ҧшьышықәсатәи аиҳабыратә программеи алхрақәа раҧхьа ауаа ираҳҭаз  ақәыргәыҕрақәеи рынагӡара ҳалагоит. Ҳара амбициатә планқәа ҳамоуп: ҳара ҳтәыла аекономика  40 миллиард рыла аизырҳареи,  4% аҟынӡа аҕарра армаҷреи, ауниверситеттә система ҿыц аҧҵареи уҳәа, убас егьырҭгьы ахықәкқәа рынагӡара ҳгәы иҭоуп.

Ари апрограмма анагӡара инаваргыланы, аполитикатә усхәаҧштәгьы ҳара ҳзы аҵакы ду амоуп. Ҳара алибералтә фашизм аларҵәара иадҳәалоу апроблемақәа изныкымкәа ҳрылацәажәахьеит,  анеҩстәи ҧшьышықәса рыҩныҵҟала ҳтәылаҿы ари апробема аҵыхәанӡа иаҧыхзароуп. Ҳуаажәлар реиҟәшара зҭаху амчқәа иаҧыхзароуп. Ҳара иаҭаху зегьы ҟаҳҵоит ҧшьышықәса рыла ҳтәылаҿы  аҭагылазаашьа шьаҭанкыла аҽаҧсахырц азыҳәан.

Акоҳабитациа адыргакгьы иаанхом, уи ҳтәыла аҿиаразы  анырра цәгьа аман, избанзар, уи атәыла анҭыҵынтә иҳадарцалон. Иарбанзаалак акоҳабитациеи иарбанзаалак алибералтә фашизми ҳтәылаҿ иҟалом, уи ҳполитикатә усхәаҧштә аҿы ахадаратә ҵакы змоу азҵарақәа иреиуп», — иҳәеит аҧыза-министр.