«Ҳара хықәкыс иҳамоуп 2030 шықәса анҵәамҭанӡа  10 000 МВт ааглыхра, уи абзоурала,  Қырҭтәыла,  афымца аганахьала ахатә ҭахрақәа нанагӡоит», — иҳәеит аҧыза-министр Иракли Кобахиӡе Аенергетика амш иазкыз аусмҩаҧгатә аҿы данықәгылоз.

Аиҳабыра рнапхгаҩы иҳәамҭала, ари ахықәкы анагӡаразы аполитика иаша иҟазароуп,   «Худон», «Ненскра» ,   «Намахвани» уҳәа, зымҽхак дуу апроектқәа нагӡатәуп.

«Ари аганахьала акрызҵазкәа проблемын ҳтәылаҿы иҟаз аекономикатә саботаж. Ари асаботаж иалахәын еиуеиҧшым асубиектқәа. Аконкреттә аиҿкаарақәа,  аҳәаанырцәынтә ироуаз аҧара рхы иархәаны,  ҳстратегиатә амилаҭтә интересқәа ирҿагылон, убри амшала ҳтәыла ҧырхага ду аиуит. Абри аекономикатә саботаж амшала,  проектқәак рҿы жәамиллионла лари азарал ахарҭәаара  ҳақәшәеит. Рыцҳарас иҟалаз,  усҟан аҳәынҭқарра ари асаботаж аҿагыларазы иахәҭоу аресурсқәа амамызт,  аха,  иахьа,  аҳәынҭқарра,  иарбанзаалак апроектқәа рынагӡара алшаратәы убас иҕәҕәоуп,  Қырҭтәыла аиҳабыра хымҧада уи еиқәдыршәоит», — иҳәеит аҧыза-министр.