«Ҳара иаҭахыз зегьы ҟаҳҵеит Украина иҟалаз асценари Қырҭтәыла иҟамларцаз», — иҳәеит Қырҭтәыла аҧыза-министр Иракли Кобахиӡе ажурналистцәа данрацәажәоз.

Аҧыза-министр иажәақәа рыла, ақырҭуа жәлар иаҳа аҧышәа рымоуп, аиҳабыра, ажәлар рыдгыларала, Қырҭтәыла изҭагылаз ашәарҭара аҧыхра рылшеит.

«Ари адырра, ари агәҽанҵара аҵакы ду амоуп. Иҳаҩсыз хышықәса рыҩныҵҟа ари азҵаара аус адааулон. Украина иҟалаз асценари Қырҭтәыла иҟамларцаз иаҭахыз зегьы ҟаҳҵеит. Абри зегьы  2013 шықәсазы,  «Маидан» ала иалагеит, анеҩс, мышқәак рышьҭахь, аибашьра иалагеит. Иахьазы ҳаиҩызаратә тәыла, Украина иқәхуп, ауааҧсыра реиҳара атәыла иқәҵит. Шәнызқьҩыла украинаа ҭахеит. Усҟан аукраин жәлар агәҽанҵара рзаадмырҧшит, абри ауп зегьы зыхҟьаз, ақырҭуа жәлар иаҳа аҧышәа рымоуп, убри аҟынтә, ақырҭуа жәлар рыдгыларала, Қырҭтәыла изҭагылаз ашәарҭара аҧыхра ҳалшеит, раҧхьа иргыланы, ҳара аибашьра ҳацәцеит», — иҳәеит  Иракли Кобахиӡе.