Қырҭтәыла астратегиатә ҵакы змоу аҭыҧаҿ ишьҭоуп,  ҳара, ҭоурыхла, Европеи Азиеи, Мрагылареи Мраҭашәареи  реимадара еиқәҳаршәоит, ари апотенциал инагӡаны ҳхы иаҳархәар ҳҭахуп, – иҳәеит Қырҭтәыла аҧыза-министр Иракли Кобахиӡе  есышықәсатәи ажәахә ала апарламентаҿ данықәгылоз.

Аиҳабыра рнапхгаҩы ишиҳәаз ала, атәылаҿ имҩаҧысуа аинфраструктуратә проект дуқәа Қырҭтәыла инанагӡо атранзиттәи аимадаратәи ароль арҕәҕәара иацхраауеит.

„Ҳара ҳзы аҧыжәара змоу аҳасабтәқәа иреиуп атәыла аимадаратә функциа арҕәҕәара. Уи ҭоурыхла иҳамаз азкызаароуп. Қырҭтәыла астратегиатә ҵакы змоу аҭыҧаҿ ишьҭоуп.  Ҳара, ҭоурыхла, Европеи Азиеи, Мрагылареи Мраҭашәареи  реимадара еиқәҳаршәоит, ари апотенциал инагӡаны ҳхы иаҳархәар ҳҭахуп, сара еиқәысыҧхьаӡаз аинфраструктуратә проектқәа зегьы    –  автомагистральқәа рыргылареи, аихамҩа арҿиареи, аҳаирбаҕәазақәа рыргылареи, – ари ахықәкы анагӡара иазкуп.  Абарҭ апроектқәа зегьы ҳтәыла иамоу аимадаратә роль арҕәҕәара иацхраауеит. Иаҵшьны иазгәасҭар сҭахуп ҩымчыбжь раҧхьа ҳара Қарҭтәи абаҕәаза ба шааҳартыз, ари апроект мҩаҧган араҧтәи аинвестициала. Уигьы ҳтәыла иамоу аимадаратә роль арҕәҕәара иацхраауа, зҵакы дуу проектуп“, – иҳәеит аҧыза-министр.