Қырҭтәыла аҧыза-министр Иракли Кобахиӡе Европа Ахеилак амаӡаныҟәгаҩ хада Ален Берсе диҧылеит.

Қырҭтәыла аиҳабыра ринформациа инақәыршәаны, аиҳабыра рнапхгаҩы Ален Берсе ивизит аҵакы иазгәаҭаны, ишиҳәаз ала, Европа Ахеилак алагала ду ҟанаҵоит Қырҭтәыла ареформақәа рымҩаҧгареи атәыла евроинтеграциа апроцесси рҿы.

Аиҧылараҿы Қырҭтәылеи Европа Ахеилаки қәҿиарала русеицуреи, иара убас, атәылаҿ имҩаҧысуа апроцессқәеи ирылацәажәеит.

«Европа Ахеилак амаӡаныҟәгаҩ хадеи ҳареи ҳаиҧылара даараӡа ибзиан, аиҩызаратә ҟазшьа аман. Ҳара  Қырҭтәылеи Европа Ахеилаки қәҿиарала русеицуреи, иара убас, атәылаҿ имҩаҧысуа апроцессқәеи ҳрылацәажәеит.  Ҳтәылеи Европа Ахеилаки рыбжьара аусеицура шынагӡахо азы ҳаиқәшаҳаҭхеит. 90-тәи ашықәсқәа рзы иалагаз ҳусеицура даараӡа ҳаиднаҳәалоит. Ари аусеицура излауа ала активла инагӡахар ҳҭахуп. Ҳаҭыр зқәу амаӡаныҟәгаҩ хада ари апроцессаҿ ароль ҷыда наигӡоит. Агәра ганы ҳаҟоуп хаҭала Алан Берсе ахырхарҭақәа зегьы рыла ҳтәыла ҳшадгыло», — иҳәеит  аҧыза-министр аиҧылара ашьҭахь.

Қырҭтәыла аиҳабыра ринформациа ишану ала, аиҧылара рхы аладырхәит Қырҭтәыла адәныҟатәи аусқәа рминистр Мака Боҷоришвилии, аиҳабыра радминистрациа аиҳабы  Леван Жоржолиании, Европа Ахеилак аҿы Қыырҭтәыла еснагьтәи ахаҭарнак Ҭамар Талиашвилии.