«Евроеидгыла аҩныҵҟа аҭагылазаашьа аҽаҧсахып ҳәа ҳгәыҕуеит, наҟ-наҟ европатәи абиурократиа ахаҭарнакцәа аиашара апринцип иақәныҟәап ҳәа агәыҕра ду ҳамоуп,  аха, иахьа ус акәӡам ишыҟоу, уи убарҭоуп ицәыргаз ажәахә алагьы», — иҳәеит Қырҭтәыла аҧыза-министр  Иракли Кобахиӡе Шанхаи.

Аиҳабыра рнапхгаҩы иҳәамҭала, Қырҭтәыла  2030 шықәса анҵәамҭанаӡа Евроеидгыла иалалар аҭахуп, убри аҟынтә, уаанӡа Евроеидгыла аҩныҵҟа аҭагылазаашьа аҽаҧсахып ҳәа дгәыҕуеит.

«Рыцҳарас иҟалаз, европатәи абиурократиа ахаҭарнакцәа ииашамкәа аҳазныҟәоит, афактқәа еиларгоит. Абри аҩыза аҭагылазаашьаҿы абиурократцәа мацара ракәымкәа, Евроеидгыла ахаҭагьы ҧырхага аиуеит. Убри азоуп Қырҭтәылаҿ Евроеидгылахь агәрагара змаҷхаз.   Евроеидгыла аҩныҵҟа аҭагылазаашьа аҽаҧсахып ҳәа ҳгәыҕуеит, наҟ-наҟ европатәи абиурократиа ахаҭарнакцәа аиашара апринцип иақәныҟәап ҳәа агәыҕра ҳамоуп,  аха, иахьа ус акәӡам ишыҟоу, уи убарҭоуп ицәыргаз ажәахә алагьы.

Ҳара 2030 шықәса анҵәамҭанаӡа Евроеидгыла ҳалалар ҳҭахуп, убри аҟынтә, уаанӡа Евроеидгыла аҩныҵҟа аҭагылазаашьа аҽаҧсахып ҳәа ҳгәыҕуеит. Иахьа европатәи абиурократиа асоветтә стандартқәа рҟынӡа илаҟәит,  уи даарӡа илахьеиқәҵагоуп», — иҳәеит аҧыза-министр.