Адунеи еицырдыруа абренд „Наполеон“ Қырҭтәылаҿ аҭаҭәара иалагоит, – апроект еицынарыгӡоит “Аҩыҟаҵара Каҷреҭии“ Франциа иреиҕьу атрадициатә арыжәҟаҵарҭа  “Тесендиеи”.

Аҩи акониаки рзауад “Аҩыҟаҵара Каҷреҭи“ иахьа даҭааит Қырҭтәыла аҧыза-министр Иракли Кобахиӡе. Аиҳабыра рнапхгаҩы ицын апарламент ахантәаҩы Шьалуа Папуашвилии аиҳабыреи апарламенти рылахәылацәеи.

Аиҳабыра рнапхгаҩы ишиҳәаз ала, ақырҭуеи афранцызи еилахәырақәа рпартниорра даҽазнык ишьақәнарҕәҕәоит атәым инвесторцәа Қырҭтәыла абизнеслагылазаареи аҳәынҭқарратә структурақәеи рыгәра шырго.

„Ҳара аҩыҟаҵареи аӡахәааӡареи аганахьала иҳамоу атрадициақәа ҳгәы рыздууп.  Қырҭтәыла, аҩыҟаҵара аганахьала, аҭоурыхтә, атрадициатә хыҵҵырҭоуп, уигьы ҳгәы аздууп. Франциа акониак аҧсадгьыл ауп. Аинтерес ду зҵоу абри асинтез абзоурала, Қырҭтәылаҿ ибзиаӡоу аалыҵ ҟаҳҵар ҳалшоит ҳәа сгәы иаанагоит. Сара сзы ари аусеицура иаҵанакуа рацәоуп, избанзар,  уи даҽазнык ишьақәнарҕәҕәоит атәым инвесторцәеи аилахәырақәеи Қырҭтәыла абизнеслагылазаареи, ҳзакәанҧҵареи, аҳәынҭқарратә структурақәеи рыгәра шырго. Қырҭтәыла аиҳабыра, наҟ-наҟгьы, ирылшо ала,  атәым еилахәырақәа рҟны абри аҩыза аусеицура иацхраауеит“, –  иҳәеит аҧыза-министр.

Аусмҩаҧгатә аҿы асасцәа рҿаҧхьа иқәгылеит Қырҭтәыла аҧсабара ахьчареи ақыҭанхамҩеи рзы аминистр Давиҭ Сонҕулашвилии, Tessendier & Fils Distillery анагӡаратә директор Жером Тесендиеи, „Аҩыҟаҵара Каҷреҭи’’ адиректор Наҭиа Кариҷашвилии.

Аҧыза-министри, апарламент ахантәаҩи, аиҳабыреи апарламенти аҭыҧантәи мчреи рылахәылацәеи  „Аҩыҟаҵара Каҷреҭи“ иаҭааит.