Аҩныҵҟатәи аусқәа рҽалагалареи Қырҭтәыла адемократиатә принципқәа реилагареи аӡәгьы азин иаҳҭом, ақырҭуа жәлар роуп ақырҭуа политика азҵаарақәа зыӡбаша, – иҳәеит Қырҭтәыла аҧыза-министр Иракли Кобахиӡе   апрограмма „Имедис квира“ аинтервиу аҿы.

Аиҳабыра рнапхгаҩы ишазгәеиҭаз ала, аконкреттә субиектқәа  „Аартызаара иазку“ азакәан авсра рҽазыркит, евробиурократиа ахаҭарнакцәақәакгьы аргама ирҳәеит ари азакәан авсразы амҩақәа шырыҧшаауа.

Иара убас, Иракли Кобахиӡе ишазгәеиҭаз ала, Қырҭтәыла уи иадарцало аполиаризациа аҵыхәанӡа аҧыхра алшароуп.

„Рыцҳарас иҟалаз, ҳара аполиаризациа ҳадарцалеит, ҩ-партиактәи асистема иҧсабаратәымкәа иаҧҵан, уи изҩыдам аоппозициа ахылҵит. Ари асценари иҧсабаратәымкәа иаҧҵан, ҳара ирласӡаны ари аҭагылазаашьа аҧыхра ҳаҿуп. Аоппозициа рыхәҭак ииашоу апринципқәа рықәныҟәара рҽазыркит, аха, арадикалтә оппозициаа урҭ ирҿагылеит. Ҳәарада, ари аҭагылазаашьа иҧсахтәуп. Арадикалтә оппозициа арҧсыҽра апроцесс инагӡоит. Убри аамҭазы, ауаажәларра рыгәҭа адискуссиа амҩаҧгара ҳазҿлымҳазароуп. Абри ауп ҳинициатива зызку. Ҳара иаарту адебатқәа мҩаҧаагароуп. Ҳтәылаҿы ари акультура шьақәыргылатәуп“, – иҳәеит аҧыза-министр.