2012 шықәса ашьҭахь Қырҭтәыла ихьыҧшым ҳәынҭқарроуп, араҟа зегьы ҭынч аизара азин рымоуп. Аха, шәызынтәгьы даҽазнык агәҽанҵара шәысҭоит, иарбанзаалак амчылара иџьбараӡоу азакәантә аҭак шаиуа, – иҳәеит аҧыза-министр Иракли Кобахиӡе иахьа аиҳабыра радминистрациаҿы имҩаҧгаз абрифинг аҿы.

Аиҳабыра рнапхгаҩы аполитикатә партиақәеи егьырҭ аидҵарақәеи зегьы рахь ааҧхьара ҟаиҵеит   аконституциатә аиҿкаара ахҳәара ма мчыла аҧсахра иазку аизара рхы аладмырхәырц.

„ Апартиақәеи егьырҭ аидҵарақәеи зегьы рахь ааҧхьара ҟасҵоит  аамҭа ыҟанаҵы, аконституциатә аиҿкаара ахҳәара ма мчыла аҧсахра иазку аизара рхы аладмырхәырц. Зегьы иргәаласыршәар сҭахуп иахьа Қырҭтәылеи, уи аконституциатә системеи, аҳәынҭқарратә институтқәеи, азинхьчаратә структурақәагьы, зеиҧшҟамлац ала ишыҕәҕәоу, еицҿакны аус шыруа. Убри аҟынтә, аӡәгьы ибжьазгом игәаҕьны аҳәынҭқарратә система даҿагыларц, избанзар, азинхьчаҩцәа рҟынтә иџьбараӡоу аҭак иоуеит.    Қырҭтәыла ҭынч иҭышәынтәалоу аҿиара нанагӡоит, Қырҭтәыла аиҳабыреи уи аусбарҭа цыҧхьаӡеи уи азыҳәан аҭак ҳаҧхықәуп“,- иҳәеит Иракли Кобахиӡе.