«Амшын еиқәа аӡаҵантәи акабель апроект атрансформациатә ҵакы амоуп ҳәа ҳгәы иаанагоит. Ари апроект иҟамзҭгьы, ҳенергетикатә ресурсқәа инаӡаны рхархәара ҳцәыуадаҩхон», — иҳәеит Қырҭтәыла аҧыза-министр Иракли Кобахиӡе Абу-Даби имҩаҧысуа Иҭышәынтәалоу аҿиара амчыбжь асессиа апанельтә дискуссиаҿы данықәгылоз.

Аҧыза-министр иҳәамҭала, ари апроект аганқәа зегьы рзы аинтерес ду аҵоуп, уи абзоурала, Қырҭтәыла агенерациа аусхкы аҿы ахатә амҽхак аизырҳара алшоит.

«Амшын еиқәа аӡаҵантәи акабель апроект атрансформациатә проектуп ҳәа ҳгәы иаанагоит. Уи амбициатә ҟазшьа амоуп, аха, реалра анагӡара ҟалоит. Атехника-економикатә ҭҵаарақәа мҩаҧаагеит. Атехникатә ганахьала ари апроект анагӡара ҟалоит, убри аҟынтә, ари ахырхарҭа аоптимизм дула ҳахәаҧшуеит. Амшын еиқәа аӡаҵантәи акабель  1155 километр аура амоуп, уи Қырҭтәылеи европатәи аенергетикатә џаьрмыкьеи еиднаҳәалоит. Ҳара ҳгенерациатә амҽхак аизырҳара ҳалшоит, аекспорт азы афымца ҳамазаауеит. Егьырҭ европатәи аџьармыкьақәа рахьгьы ҳҭыҵуеит. Ари апроект иҟамзҭгьы, ҳенергетикатә ресурсқәа инаӡаны рхархәара ҳцәыуадаҩхон. Убри аҟынтә, ари апроект аҵакы ду анаҳшьоит, Еврокомиссиагьы ари апроект аҧыжәара ду анаҭеит, уи даараӡа ҳаигәырҕьоит. Ари апроект аганқәа зегьы рзы аинтерес ду аҵоуп, убри аҟынтә, уи нагӡахап ҳәа агәыҕра ду ҳамоуп», — иҳәеит аҧыза-министр.