«Мзиа Амаҕлобели ишьаҭалкыз аиҿкаарақәа аҳәаанырцәынтә аҧара роуан,  лара аполицаи иганахьала иҟалҵаз амчыларазы лдонорцәа рҟынтә аӡәгьы аҭакҧхықәра имгеит», – иҳәеит Қырҭтәыла аҧыза-министр Иракли Кобахиӡе Ереван ақырҭуа журналистцәа данрацәажәоз.

«Мзиа Амаҕлобели илыдҳәалоу аконкреттә факт ҳалацәажәозар, ацәгьаура, азинеилагара иаартны иҟаҵан, акамерақәа рҿаҧхьа, аконкреттә уаҩҧсы аполицаи, аполициа аиҳабы диҿасит. Ари азинеилагара ажурналисттә усура иадҳәаламызт, убри аҟынтә, абри зегьы АИХқәа рыдҳәалара  – ҵакык змам аспекулиациоуп.

Зегьы ираҳаратәы исҳәар сҭахуп: ацәгьаршра ҳаналацәажәо, иҭынчымыз апротест аҭынчратә протест аҳасабала иалацәажәоз ауаа зегьы иахьа ҳазлацәажәо ацәгьаура рхароуп», – иҳәеит аҧыза-министр.

Иара иажәақәа рыла, Қарҭ амҩақәа рҿы амчылара иадгылоз ауаа роуп абри аҩыза азинеилагарақәа зхароу.

«Амчыбжьқәа рацәа, амзақәа ирылагӡаны Қырҭтәыла амчылара иадгылоз ауаа Мзиа Амаҕлобели лбаандаҩтәразы аҭакҧхықәра шрыду еилыркаароуп. Урҭ иреиуп аконкреттә атәым ачынуааи, Қырҭтәыла иҟоу адипломатцәеи, иара убас, арадикалтә оппозициеи, егьырҭгьы.

Дара аҭакҧхықәра шрыду еилыркаароуп, избанзар, дара аполицаицәа ирҿагылаз амчылара дырҽхәон.

Ҳтәылаҿы амчылара иақәшаҳаҭу ауаа, ҷыдала, аполицаицәа ирҿагыло амчылара, изакәызаалак ак алацәажәаразы аморалтә зин рымам.

Мзиа Амаҕлобели ишьаҭалкыз аиҿкаарақәа аҳәаанырцәынтә аҧара роуан,  лара аполицаи иганахьала иҟалҵаз амчыларазы лдонорцәа рҟынтә аӡәгьы аҭакҧхықәра имгеит.

Лдонор цыҧхьаӡа, леиҿкаарақәа аҧара рылазҵоз ауаа зегьы, Мзиа Амаҕлобели иҟалҵаз апартиа-политикатә мчыларазы аҭак рыҧхықәуп.

Убри аҟынтә, аӡәы ак далацәажәар  иҭахызар, зны иҟаиҵаз дахьхәыроуп.

Ҳпозициа зеиҧшроу интересс ишәымазар, еиҭасҳәоит, сара аиҧылара сазыхиоуп, аха, ари аиҧылара аҵакы амазароуп, нас, адетальқәа ҳрылацәажәап», – иҳәеит аҧыза-министр.