Қырҭтәыла аинвестициатә лагылазаара бзиа еиқәыршәоуп, алибералатә економикатә политика ҳамоуп, ашәахтәқәа маҷуп, акоррупциа аҩаӡара лаҟәып, абри зегьы Қырҭтәылаҿ аекономикатә усура алагаразы ашьаҭа бзиа аҧнаҵоит, – иҳәеит Қырҭтәыла аҧыза-министр Иракли Кобахиӡе Иеиҭамҵуа амал жәларбжьаратәи афорум аҿы данықәгылоз. 

Аиҳабыра рнапхгаҩы ишазгәеиҭаз ала, абри аҩыза афорум Қырҭтәыла амҩаҧгара афактгьы ибзиаӡаны иаанарҧшуеит ҳтәыла  арегионалтә инвестициатә ахсаалаҿы иахәҭоу аҭыҧ шааннакыло.  

Аҧыза-министр данықәгылоз, Қырҭтәыла аекономикатә аҿиара аласра ду дазааҭгылан, ишиҳәаз ала, иҳаҩсыз 5 шықәса ирылагӡаны, аекономикатә азҳара аганахьала, атәыла, Европаҿгьы арегионаҿгьы актәи аҭыҧ ааннакылоит.  

„2021-2025 шықәсқәа рзы ҳтәыла аекономикатә азҳара абжьаратә арбага 9.3% иаҟаран. Даҽазнык иаҵшьны иазгәасҭар сҭахуп уи ҳрегионаҿ иреиҕьу арбага шакәу. Жәларбжьаратәи авалиутатә фонд азҧхьагәаҭарақәа инрықәыршәаны, аҿҳәарабжьаратә перспективаҿы, Қырҭтәыла, аекономикатә азҳара аганахьала, арегиони Европеи атәылақәа рыбжьара аҧхьагылара амазаауеит. Ҳара излауа ала, абарҭ атенденциақәа рыхьчара ацхраара иаҳуалуп, Қырҭтәыла аиҳабыра уи азы иаҭаху зегьы ҟарҵоит,“- иҳәеит Иракли Кобахиӡе.  

Аиҳабыра рнапхгаҩы аекономикатә азҳара апроцессаҿ иеиҭамҵуа амал асектор ароль дазааҭгылан, ишиҳәаз ала, ҵыҧх ари асектораҿ  10 наӡынак еиҳаны ареалтә азҳара иҟан. Аҧыза-министр иажәақәа рыла, атәыла зеиҧшҟамлац ала идуу ахашәала  аиуит жәларбжьаратәи атуризм аҟынтәи. 

„Акоррупциа амаҷра аганахьала Қырҭтәыла  аҧхьагылара змоу атәылақәа иреиуп. Арегионаҿ актәи аҭыҧ аанаҳкылоит, Евроеидгыла иалоу  10 ҳәынҭқаррак раҧхьа ҳгылоуп. Ҳәарада, абри зегьы ҳтәылаҿы иманшәалоу алагылазаара ахьчара иацхраауеит. Ҷыдала иалыскаар сҭахуп Адунеи абанк ареитинг  – абизнес азхиазаара, B-READY, ари ареитинг аҿгьы Қырҭтәыла аҧхьагылара змоу атәылақәа иреиуп, адунеи 101 ҳәынҭқаррақәа рыбжьара аҧшьбатәи аҭыҧ аанаҳкылоит. Иеиҭамҵуа амал асектор ҳекономикаҿы зҵакы дуу асекторқәа иреиуп, ари асектор аусуратә ҭыҧ ҿыцқәа аҧнаҵоит, аинфраструктура аҿиара иацхраауеит. Иара убас, ишиашо атәым инвестициақәа рыдаҧхьалара иацхраауеит. Хазы иалыскаар сҭахуп уажәааны ҳтәылаҿ иалагаз, зҵакы дуу аинвестициатә проект  – адевелопертә еилахәыра дуӡӡа  Eagle Hills инанагӡо зеиҧшҟамлац аинвестициатә проект, уи иалаҵоуп  6,6 миллиард адоллар. Абри аҩыза аинвестор ду ҳтәылаҿ аусура далагеит, ари афакгьы шьақәнарҕәҕәоит жәларбжьаратәи аинвесторцәа ҳекономикатә политикеи ҳтәылаҿ еиқәыршәоу алагылазаареи агәра шырго. Абри аконкреттә инвестициа мацара ҳбиуџьет иазаанагоит  2 миллиардк лари. Аекономикатә политикеи аекономикатә азҳара ацхраареи ахырхарҭала аконкреттә планқәа ҳамоуп. Ҳара ҳзы ахадаратә ҵакы змоу аҳасабтәқәа иреиуп Қырҭтәыла аимадаратәи атранзиттәи функциа арҿиара, ари аус аҧара ду алаҳҵоит. Зымҽхак дуу аргыларатә усурақәа рымҩаҧгара ҳгәы иҭоуп, ҳәарада, абри зегьы атәыла аекономикатә азҳара аласра ацҵара иацхраауеит“, – иҳәеит Иракли Кобахиӡе.  

Иеиҭамҵуа амал жәларбжьаратәи афорум аартратә усмҩаҧгатә аҿы дықәгылеит Қырҭтәыла Абизнесассоциациа ахада Сосо Ҧхакаӡе. Аусмҩаҧгатә аҿы иҟан Қарҭ ахада Каха Калаӡеи, анагӡаратәи азакәанҧҵаратәи мчра ахаҭарнакцәеи.  

Абизнесасссоциациа аиҿкаарала имҩаҧысуа Иеиҭамҵуа амал жәларбжьаратәи афорум рхы аладырхәоит Қырҭтәыла аиҳабыреи апарламенти рылахәылацәеи, адевелопертә еилахәыра дуқәеи, жәларбжьаратәи аинвесторцәеи, иеиҭамҵуа амал асектораҿ аус зуа иреиҕьу агентрақәа рхаҭарнакцәеи.