Абизнес ахақәиҭра ҳара ҳзы ахадаратә ҵакы змоу азҵаарақәа иреиуп, ҳәарада, абизнес, ахы иақәиҭны, иара ишаҭаху еиҧш аус ауазар бзиоуп, аха, араҟа асоциалтә аспектгьы иҟоуп, уигьы аҵакы ду амоуп, шәареи ҳареи ҳаиқәшаҳаҭны, ахәқәа шҳармаҷша ҳаӡбароуп, – иҳәеит Қырҭтәыла аҧыза-министр Иракли Кобахиӡе афатәаалыҵ ахәқәа ирыдҳәаланы еиҿкааз Аиҳабыратә координациатә комиссиа аилатәараҿы аҳатә маркетқәа рхаҭарнакцәа данырҧылоз.  

Аиҳабыра рнапхгаҩы иҳәамҭала, атәыла аекономикатә азҳара иахылҵыз ахырҳагара атәылауаа ирныҧшроуп, ари азҵаара аиҳабыра рзы аҧыжәара ду амоуп. 

„Абизнес ахақәиҭра ҳара ҳзы ахадаратә ҵакы змоу азҵаарақәа иреиуп, ҳәарада, абизнес, ахы иақәиҭны, иара ишаҭаху еиҧш аус ауазар бзиоуп, аха, араҟа асоциалтә аспектгьы иҟоуп, уигьы аҵакы ду амоуп. Абизнес ахы иақәиҭны ахатә усура аҳәаақәҵара алшозар, уи аекономикатә азҳареи ауаа аусурҭала реиқәыршәареи иацхраауеит, аха, уажәтәи ҭагылазаашьаҿы ҳуааҧсыра асоциалтә аидара ду рықәуп, убри аҟынтә, аконсультациақәа мҩаҧганы, абри аҭагылазаашьа ҳаҧсахырц ҳаӡбеит. Ахәқәа  ҩынтә, хынтә ианрыцло ареалтә фактқәа иҟоуп. Ари азҵааразы ҳшәацәажәар ҳҭахуп, ари ахырхарҭала иҟаҳҵаша, ахәқәа шылаҳарҟәыша ҳаӡбароуп. Ишыҳаҧхьаӡаз ала, азеиҧш абжьаратә арбагала, ахәқәа азҳаит 86 наӡынала. Уи даараӡа ирацәоуп ҳәа ҳгәы иаанагоит. Хәышықәса рыла атәылаҿы амаркетқәа ҩынтә ирацәахеит. Қырҭтәыла  100 000 нызқьҩык рзы  113 амаркетқәа иҟоуп, Германтәыла ари арбага 45 иаҟароуп, Австриа – 62. Иаҳа илаҟәу арбагақәагьы иҟоуп. Ҳәарада, аҵыхәтәаны абри зегьы ахәқәа ирныҧшуеит, ҳуааҧсыра уи рцәыхьанҭоуп“, – иҳәеит Иракли Кобахиӡе.  

Аҧыза-министр ишазгәеиҭаз ала, абри аҩызаҵәҟьа аиҧыларақәа мҩаҧыргоит адистрибуторцәеи аҭыҧантәи ааглыхыҩцәеи рҟны. Иара убас, акомиссиа ахәшәқәеи абылтәи рыхәқәагьы ирыдҳәаланы аус ауеит.  

Аиҧылара рхы аладырхәит идуу афатәаалыҵтә аҳатә маркетқәа 15ҩык раҟара ахаҭарнакцәа.