Қырҭтәыла аҧыза-министр Иракли Кобахиӡе Абу-Даби абаҕәазақәа ргәыҧ арегионалтә анагӡаратә директор Абдулазиз Заиед Аль Шамси диҧылеит.

Аиҧылараҿы Абу-Даби абаҕәазақәа ргәыҧ аинвестициала имҩаҧысуа Абжьаратә корридор атранспорт-логистикатә маршрут аҵакы иалацәажәеит.

Аганқәа рхаҭарнакцәа рҳәамҭала,  дара аусеицура арҭбаара иазыхиоуп, астратегиатә ҵакы змоу  алогистика-транспорттә проектқәа рҿгьы.

Аиҧылараҿы ишазгәаҭаз ала, қәҿиарала имҩаҧысуа апартниорра аганахьала иҿырҧшыгоуп ҵыҧх аусура иалагаз Қарҭтәи Абаҕәаза ба. Уи, Абжьаратә корридорла, Мраҭашәаратә Азиа ааглыхратә центрқәеи Мрагыларатә Европа ахархәаратә џьармыкьақәеи Қырҭтәылеи, Ҭырқәтәылеи, Азербаиџьани, Шәамахьтәылеи, Казахстани рҟны еиднаҳәалоит амшынтә, иара убас, абаҕәаза бақәеи раҳа ахархәарала.

Абу-Даби абаҕәазақәа ргәыҧ Қарҭтәи Абаҕәаза ба  60%-тәи ахәҭа амоуп, уи алогистикатә центр анапхгара азызуа апартниор хадоуп. Ари аилахәыра Қарҭтәи Абаҕәаза ба апроект иаланаҵахьеит 16 миллион адоллар аинвестициа, ари апроект аҿиара инақәыршәаны аинвестициа аҭаӡарагьы азҳауеит.

Абу-Даби абаҕәазақәа ргәыҧ амшынтәи алогистикатәи усхкы аҿы идуӡӡоу ахәмарҩцәа иреиуп, уи адунеи иреиҕьу абаҕәазақәеи, алогистикатә центрқәеи, аиндустриатә зонақәеи анапхгара рызнауеит. Ааигәатә Мрагылареи, Европеи, Азиеи, Африкеи аус зуа ари аилахәыраҿ аус руеит  6 нызқьҩык иреиҳаны.

Аиҧылара рхы аладырхәит Қырҭтәыла адәныҟатәи аусқәа рминистр Мака Боҷоришвилии, аекономикеи иҭышәынтәалоу аҿиареи рзы аминистр Мариам Ҟвривишвилии, аиҳабыра радминистрациа аиҳабы Леван Жоржолиании.