Аҭоурыхтә 2 регионк рҿы инагӡо ампыҵахалара алабҿабара инаваргыланы, Қырҭтәылазы аҭынчра аиқәыршәара аполитикатә гәазыҳәара мацара акәымкәа, ахадаратә ҵакы змоу ҧыжәароуп, – иҳәеит Қырҭтәыла аҧыза-министр Иракли Кобахиӡе Туркменистан имҩаҧысуа жәларбжьартәи афорум апленартә сессиа  – „Аҭынчреи агәреибагареи: аҭышәынтәалоу аҧеиҧш азы ахықәкқәа“ аҿы данықәгылоз.

Аиҳабыра рнапхгаҩы иҳәамҭала, аҭынчреи агәреибагареи апринципқәа – аидеиалқәа мацара ракәымкәа, аглобалтә ҭышәынтәалара аиқәыршәаразы зегьы реиҳа зҵакы дуу ахархәагақәа роуп.

„Аҭынчреи агәреибагареи жәларбжьаратәи ашықәс инамаданы имҩаҧысуа зҵакы дуу абри афорум аҽалархәра сара сзы ҳаҭыр дууп. Иеиду Аҳәынҭқаррақәа Реиҿкаара ари афорум ишьаҭанаркит Туркменистан аинициативала.  Туркменистан аиҳабыра гәыкала ҭабуп ҳәа раҳҳәоит арегионалтәи, иара убас, аглобалтәи аҩаӡараҟны  адиалоги, аусеицуреи, аконструктивтә алахәызаареи адгыларазы.

Ҳсессиа темас иамоуп „Аҭынчреи агәреибагареи: аҭышәынтәалоу аҧеиҧш азы ахықәкқәа“. Ари атема Қырҭтәыла  апринципқәеи адәныҟатәи аполитика априоритетқәеи ирышьашәалоуп. Иахьа, аглобалтә уаажәларра, зеиҧшҟамлац ауадаҩрақәа ирҭагылоуп, агеополитикатә аибарххара инаркны  –  бџьартә аиҿагыларақәеи аекономикатә ҭышәнымтәалареи аҟынӡа. Абри аганахьала  аҭынчреи агәреибагареи апринципқәа -аидеиалқәа мацара ракәымкәа, аглобалтә ҭышәынтәалара аиқәыршәаразы зегьы реиҳа зҵакы дуу ахархәагақәа роуп.  Аҭоурыхтә 2 регионк рҿы инагӡо ампыҵахалара алабҿабара инаваргыланы, Қырҭтәылазы аҭынчра аиқәыршәара аполитикатә гәазыҳәара мацара акәымкәа, ахадаратә ҵакы змоу ҧыжәароуп“, – иҳәеит аҧыза-министр.