„Аҭаацәаратә принципқәеи зықәра наӡам рыхьчареи иазку“ азакәан иадҳәаланы аӡәы апретензиақәа имазар, конкретла иҳаиҳәааит иарбан нормоу игәамҧхо, – иҳәеит Қырҭтәыла аҧыза-министр Иракли Кобахиӡе Будапешт ажурналистцәа данрацәажәоз.

Кобахиӡе иҳәамҭала, араҟа аргументқәа цәыргатәуп.

„Иаҳҳәап, „Аҭаацәаратә принципқәеи зықәра наӡам рыхьчареи иазку“ азакәан ҳалацәажәозар, уи аелементартә зҵаароуп. Ҳара цқьа еилаҳкаароуп ахаҵа дхаҵоу, аҧҳәыс дыҧҳәысу. Абри ауп ҳазлацәажәо.  Азакәанаҿ абарҭ азҵаарақәа еилыкка ианызароуп. Атәылақәа рацәа рҿы ус акәӡам ишыҟоу, дарбанзаалак ахаҵа, иаалырҟьаны, дыҧҳәысушәа ашәҟәы иҽаниҵар илшоит, нас, еиҭах дхаҵахар ауеит, уи еиуеиҧшым европатәи атәылақәа рзакәанҧҵарала иазҧхьагәаҭоуп. Ҳара ҳзакәан абри зегьы аҽацәыхьчароуп изызку. „Аҭаацәаратә принципқәеи зықәра наӡам рыхьчареи иазку“ азакәан иадҳәаланы аӡәы апретензиақәа имазар, конкретла иҳаиҳәааит иарбан нормоу игәамҧхо, араҟа хымҧада   аргументқәа цәыргатәуп“, – иҳәеит Иракли Кобахиӡе.