Қырҭтәыла аҧыза-министар атәыла ауааҧсыра Ашықәс Ҿыц рыдиныҳәалеит.

«Ишәыдысныҳәалоит Ашықәс Ҿыц!

Ҳтәылауаа зегьы, аҳәаанырцә инхо ҳаитәылауааи, Аҧсни Самачаблои ирықәынхо ақырҭуааи, аҧсуааи, ауаҧсааи Ашықәс Ҿыц шәыдысныҳәалоит.

Ишәыдысныҳәалоит арҵаҩцәеи, аҳақьымцәеи, аҟазаҩцәеи, аҳәынҭқарратә маҵзуҩцәеи, аруааи, аполицаицәеи, аӡбаҩцәеи, апрокурорцәеи, ашәарҭадаратә структурақәа рхаҭарнакцәеи, ааглыхыҩцәеи, афермерцәеи, анхаҩцәеи, аусуҩцәеи, азанааҭқәа зегьы рхаҭарнакцәеи.

Ашықәс Ҿыц – ҳгәахәтәқәеи ҳхықәкқәеи шынагӡахо агәыҕра ҳазҭо ныҳәоуп. Абри ауп шәареи шәҭаацәарақәеи ишәзеиҕьасшьо – шәгәахәтәқәеи шәхықәкқәеи нагӡахааит.

2025 шықәса даараӡа иуадаҩын, аха, аамҭакала, ҳтәыла ақәҿиара дуқәа азаанагеит. Иҳаҩсыз ашықәс азы Қырҭтәыла аҭынчра иаҳа иҳарҕәҕәеит, Қырҭтәыла ахьыҧшымреи асуверинитети иаҳа иҳарҕәҕәеит, ақырҭуа економика ҳарҕәҕәеит, аҭоурыхаҿ раҧхьаӡа акәны, ҳекономика 100 миллиард иреиҳахеит. Иҳаҩсыз ашықәс ахадаратә ҵакы аман аҳәынҭқарратә напхгараҭара асистема аиҕьтәреи аиашара аиқәыршәара арҕәҕәареи аганахьалагьы.

2025 шықәсазы иаҧаҳҵаз ашьаҭа ҕәҕәа абзоурала,  анеҩстәи ашықәс Қырҭтәыла иаҳа ақәҿиарақәа азаанагоит.

2026 шықәса ҳтәылазы аҵакы ҷыда амоуп: анеҩстәи ашықәс азы иазгәаҳҭоит ақьырсианра аҳәынҭқарратә религиас азхаҵара 1700 шықәсатәи аиубилеи. Ақьырсианра – Қырҭтәыла аҷыдаҟазшьара зықәгылоу ахадаратә ашьаҭақәа иреиуп, уи ҳдинхаҵара мацара акәымкәа, ҳкультурагьы ҳәаақәнаҵоит.

Қырҭтәыла арҕәҕәара аус аҿы хәы змам алагала ҟазҵаз ҳ-Патриарх Илиа аҩбатәи Ашықәс Ҿыц идысныҳәалоит.

Ақьырсианра азгәыкреи, Анцәеи Анцәа Иан цқьеи рылҧха ауп ауадаҩрақәа рацәа шыҟазгьы, ашәышыәқсақәа рацәа ирылагӡаны  ҳҳәынҭқаррареи ҳмилаҭтә аҷыдаҟазшьареи рыхьчара ҳалзыршаз. Абри зегьы агәыҕра ду ҳнаҭоит иаку Қырҭтәыла иазку ақырҭуа гәахәтәы мышкы зны хымҧада инагӡахап ҳәа.

Абзиабароуп ақьырсианра шьаҭас иамоу, абзиабара – иарбанзаалак аҳәынҭқарра аҕәҕәара еиқәзыршәо ашьаҭа хадоуп.

Убри аҟынтә, шәызынтәгьы иаҳа абзиабареи, иаҳа абзиареи, аҭынчреи, агәабзиареи, анасыҧи,  2026 шықәсазы иаҳа аҿиареи шәзеиҕьасшьоит!

Ҽаанбзиала шәнеиааит!» – иҳәеит Иракли Кобахиӡе.