«Қырҭтәыла Франциеи Британиа Дуи рҟынтә иаҳәоит уажәтәи аҭагылазаашьа аобиективтә ахәшьара арҭарц, ҳусеицура ашьаҭа ҕәҕәа аиуп ҳәа ҳгәыҕуеит», — иҳәеит апарламент актәи авице-спикер  Гиа Вольски.

Иара иажәақәа рыла, атәыла хәыҷы иадҳәаланы еиҧҟьарада асанкциақәа рылацәажәара ҟалом.

«Қырҭтәыла Франциеи Британиа Дуи рҟынтә аиҩызареи, аусеицуреи, уажәтәи аҭагылазаашьа аобиективтә ахәшьара аҭареи иаҳәоит. Абасоуп ҳара ари азҵаара ҳшахәаҧшуа. Ҳара темақәак ирыдҳәаланы ҳҳәатәы еиқәымшәозар ауеит, арҭ атемақәа рылацәажәара ҳалшоит. Аха амч умазар, атәыла хәыҷы иадҳәаланы еснагь асанкциақәа рылацәажәара ҟалом, уи ииашам. Ҳара акгьы еилаҳамгеит. Ҳхырхарҭа ҳамҧсахит, алхрақәа ииашаны имҩаҧган, ҳуааҧсыра реиҳара уажәтәи аиҳабыра ирыдгылоит. Мчыла анапхгара згаз ракәымкәа, ауаа иалырхыз аиҳабыра ирыдгылоит. Ҳара абарҭ атемақәа рылацәажәара ҳазыхиоуп, ҳусеицура ашьаҭа ҕәҕәа аиуп ҳәа ҳгәыҕуеит», — иҳәеит  Гиа Вольски.