Қырҭтәыла акәымкәа, Бриуссель администрациоуп антиевропатәи политика мҩаҧызго. Қырҭтәыла иҟанаҵо аусқәа антиевропатәиуп ҳәа уҳәар ҟалома, арҭ аусқәа жәларбжьаратәи аиҿкаарақәа рреитингқәа рҿы аарҧшуп, – иҳәеит апарламент актәи авице-спикер Гиа Вольски.

Вольски Қырҭтәыла ааҧхьара ахьарымҭаз Евроеидгыла арҭбаара афорум иазкны иазҵааит.

„Атәыла, анапхгараҭара асистема инаркны акоррупциа иаҿагыло ақәҧара аҟынӡа,  ахырхарҭақәа зегьы рыла иҳараку ахәшьара анашьоуп. Еиуеиҧшым ахырхарҭақәа рыла акандидат астатус змоу атәылақәа мацара ракәымкәа, европатәи атәылақәа рацәа раҧхьа ҳгылоуп.  Амилаҭтә ҷыдаҟзшьара ахьчареи аартызаареи антиевропатәиуп ҳәа уҳәар ҟалома? Иарбан шьаҿоу адәныҟатәи ахырхарҭа аҧсахра зыршаҳаҭуа? – уи еиҧш ашьаҿа иҟам. Аха, даҽа шьаҿақәак ҳбахьеит. Аконкреттә европатәи атәылақәеи Бриуссели ринтересқәа ирықәныҟәо аполитикатә кониектиура иҟоуп, еиуеиҧшым европатәи атәылақәеи Америкеи урҭ акритика рзыруеит. Уи атәыла аҩныҵҟатәи аусқәа рҽалагалара ауп иаанаго“, – иҳәеит Гиа Вольски.