«Жьҭаара  4 ашьҭахь аиҿагылара аҽазкрақәа иҟамызт, уажәы дара еиҭах ари аплан иазыхынҳәуеит  —  аиҿагылара ҟалар,  ауаа аахақәа роур ауеит», — иҳәеит Қырҭтәыла апарламент актәи авице-спикер Гиа Вольски  лаҵара 26 рзы «Аоппозициаа ралианс» имҩаҧыргараны иҟоу акциа даналацәажәоз.

Вольски иҳәамҭала, уажәы аоппозициаа  «аҭынчратә аиҿагылара ргәы иҭоуп».

«Аҩныҵҟатәи аусқәа рминистрреи Қарҭ ахадареи рахь арзаҳал аларҵон акцианӡа хәымш  шагу, аха, уажәы, азакәан аҳәарақәа анеиларга,  мапкратә аҭак роуит. Насгьы, лаҵара  26 рзы асценеи дара ирҭаху аинфраструктуреи изеиҿкаахом. Арҭ ауаа, аекстремисттә сценари рыдазцало  рыҧшәмацәа иргәаладыршәар рҭахуп рҧара зыхҭнырҵо.  Жьҭаара  4 ашьҭахь аиҿагылара аҽазкрақәа иҟамызт, уажәы дара еиҭах ари аплан иазыхынҳәуеит  —  аиҿагылара ҟалар,  ауаа аахақәа роур ауеит. Лаҵара  26 рзы  «аҭынчратә» акциа мҩаҧаагоит ҳәа рҳәеит, аха, жьҭаара 4 рзы имҩаҧыргаз акциагьы  абри аҩызаҵәҟьа  «аҭынчратә» ҟазшьа аман; уажәы ҭынч аиҿагылара ргәы иҭоуп», — иҳәеит Гиа  Вольски.