Апарламент актәи авице-спикер  Гии Вольски иҳәамҭала, Молдова ахада Маиа Санду Қырҭтәыла даҿагыланы аҳәамҭақәа ҟалҵоит.

Вольски иажәақәа рыла, Маиа Санду лхатә тәыла ихьыҧшым аҳәынҭқарра аҳасабала дахәаҧшуам, убри аҟынтә, илҳәо зегьы изакәызаалак ҵакык амам.

«Аибашьра ацәшәара  атема ус баша ауаҳантә ицәырымҵит, Маиа Сандугьы уи дадгылон, Украина еиҧшҵәҟьа,   Қырҭтәылагьы ашьа каҭәар акәын,  Санду лхатә ҳәынҭқарра аҧылхит, ари аҳәынҭқарра иҟам ҳәа лҳәеит. Лтәыла абас дазныҟәоит,  убри аҟынтә,  илҳәо зегьы изакәызаалак ҵакык амам. Лара лҟынтә изакәызаалак позитивтә ҳәамҭак уазыҧшыр ҟалом. Акандидат астатус змоу атәылақәа рыбжьара Молдова зегьы реиҳа иҧсыҽуп,  ари атәыла иацхраашагьы сыздырӡом. Санду лхатә тәылаҿы адгылара лымам,  аполитикатә ҭагылазаашьа цәгьоуп.  Акоррупциа ишәҭыкакаҷуеит,  атәыла зегьы аҕарра иҭагылоуп,  абри аҩыза аҭагылазаашьаҿы лара,  Қырҭтәыла алацәажәаразы аамҭа лымоума.

Урыстәыла ҳтәыла  20%  импыҵахаланы иамоуп,  уи арратәи аекономикатәи ганахьала акрызҵазкәа проблемоуп. Лара уи ибзианы илдыруеит. Иҟалҵаз аҳәамҭа акраҵанакуеит ҳәа сгәы иаанагом,  бзиарак лҳәаргьы,  уигьы акгьы аҵанакуам,  избанзар,  лара лхатә тәыла ихьыҧшым аҳәынҭқарра  аҳасабала дазныҟәом», — иҳәеит Гиа Вольски.