Ердоҕан ишиҳәаз ала, НАТО асаммитаҿ Алианс алахәылацәа рахь ааҧхьара ҟаиҵоит Евроеидгылахь Ҭырқәтәыла алалара иақәшаҳаҭхарц, анеҩс, Ҭырқәтәыла НАТО ашҟа Швециа алалара иақәшаҳаҭхарц азыҳәан

Ҭырқәтәыла ахада Реџьеп Таип Ердоҕан ишиҳәаз ала, НАТО асаммитаҿ Алианс алахәылацәа рахь ааҧхьара ҟаиҵоит Евроеидгылахь Ҭырқәтәыла алалара иақәшаҳаҭхарц, анеҩс, Ҭырқәтәыла НАТО ашҟа Швециа алалара иақәшаҳаҭхарц азыҳәан.

„50 шықәса рыҩныҵҟа  Евроеидгылахь Ҭырқәтәыла алалара иаҧырхагаз атәылақәа рахь ааҧхьара ҟасҵоит Евроеидгылахь Ҭырқәтәыла алалара иақәшаҳаҭхарц, анеҩс, Ҭырқәтәыла НАТО ашҟа Швециа алалара иақәшаҳаҭхарц азыҳәан“, – иҳәеит  аҭырқәа алидер Лиетуваҟа ддәықәлаанӡа Стампыл имҩаҧигаз апресскофнеренциаҿы.

Ердоҕан ишазгәеиҭаз ала, НАТО ашҟа Швециа алалара азҵаара  ҵыҧх  ирыдыркылаз х-ганктәи аиқәшаҳаҭраҿ иарбоу  азҵаарақәа рынагӡара иахьыҧшуп.