Аҩныҵҟатәи аусқәа рминистрра ахаҭарнакцәа, анаркотикатә маҭәашьарқәа рацәаны закәандарала раахәареи, рыҵәахреи, иара убас, закәандарала Қырҭтәылаҟа раагареи закәандарала Қырҭтәылантә ралгареи азыҳәан ҩыџьа ааныркылеит.

Аҩныҵҟатәи аусқәа рминистр ихаҭыҧуаҩ абрифинг аҿы ишиҳәаз ала, зыӡбахәы ҳәоу ахаҿқәа ирыдбалоуп  250 кьыла  «героин», аџьармыкьа еиқәаҵәаҿы арҭ анаркотикқәа  80 миллион  лари иаҧсоуп.

«Аусеилыргараан ишеилкаахаз ала, ахазалтә документациа инақәыршәаны,  «аҿыхшьыгақәа ҧсаа» рыла иҭәыз аидаратә машьына Қырҭтәыла иалалеит агәылара иҟоу атәылантә, агәаҭара-аужьҭратә пункт  «Ацҳа ҟаҧшь» ала.  Баҭым иҟоу ахазалтә економикатә зонаҿы ари амашьына агәаҭараан, азинхьчаратә органқәа рхаҭарнакцәа иаадырҧшит  250 кьыла анаркотикатә маҭәашьар  «героин», арҭ анаркотикқәа, маӡала,  2907 ԥсаҳәагатә пакетқәа рҿы иҵәахын», — иҳәеит Алеқсандр Дарахвелиӡе абрифинг аҿы.