«Қырҭтәыла аҩныҵҟатәи аусқәа рминистр идҵала еиҿкааз еснагьтәи акомиссиа алахәылацәа,  еиуеиҧшым аамҭазы атәыла зехьынџьара аоперативтә усмҩаҧгатәқәа рымҩаҧгараан иаарҧшыз,  зеиҧшҟамлац ала ирацәаны  — 926 кьыла еиуеиҧшым анаркотикқәа  зтемпература ҳараку аҧечкаҿ иқәырхит.  Аџьармыкьа еиқәаҿы урҭ рыхә  19 миллион лари еиҳауп. Зыӡбахәы ҳәоу анаркотикқәа иреиуп: кокаин, героин, метадон, МДМА, альфа-PVP, кетамин, клефедрон, бупренорфин, трамадол, кодеин, диазепам, марихуана, иара убас, еиуеиҧшым апсихотроптә маҭәашьарқәеи.

«Амч змоу азакәан инақәыршәаны, анаркотикқәа рықәхра апроцесс мҩаҧган ҳаамҭазтәи аекологиатә стандартқәа ирышьашәаланы. Аҭыҧаҿ иҟан еснагьтәи акомиссиа алахәылацәа  —  Аҩныҵҟатәиа усқәа рминистрра аусзуҩцәеи, Апрокуратура хадеи Агәабзиарахьчара аминистрреи рхаҭарнакцәеи.

Иаарҧшу анаркотикатә хархәагақәа абжьааҧны ишьҭоуп  жәларбжьартәи астандартқәа ирышьашәалоу, ҷыдала еибыҭоу ашьҭаҵарҭаҿы. Анаркотикқәа иқәырхуеит  ашьауҕатә усқәа рзы аӡбара ақәҵара амч анаиулак ашьҭахь», — иануп Аҩныҵҟатәи аусқәа рминистрра аинформациаҿы.