Ашықәс алагамҭа инаркны Амилаҭтә банк ахатә валиутатә резервқәа азнарҳаит  613,5 млн адоллар рыла.

«Авалиутатә џьармыкьаҿы аҭагылазаашьа инақәыршәаны, Қырҭтәыла Амилаҭтә банк ахатә жәларбжьаратәи резервқәа рхарҭәаара нанагӡоит», — иануп Қырҭтәыла Амилаҭтә банк аинформациаҿы.

«Жәларбжьаратәи авалиутатә резервқәа атәыла амакроекономикатә ҭышәынтәалара ахьчара иацхраауеит. Убри аҟынтә, Амилаҭтә банк, еснагь арҭ арезервқәа рхарҭәаара иазҿлымҳауп», — иануп Амилаҭтә банк аинформациаҿы.

Адыррақәа инрықәыршәаны,   2025 шықәсазы Қырҭтәыла Амилаҭтә банк абри аҩыза авалиутатә интервенциақәа мҩаҧнагеит:

• ажьырныҳәа-жәабран  —   Bmatch ала аахәарақәа мҩаҧгамызт;
• хәажәкыра —   Bmatch ала иаархәеит  101,7 млн адоллар;
• мшаҧы  —  Bmatch ала иаархәеит  266,4 млн адоллар;
• лаҵара  —   Bmatch ала иаархәеит  245,4 млн адоллар.

Амилаҭтә банк аҿы ишырҳәаз ала, авалиутатә џьармыкьаҿ имҩаҧгоу аоперациақәа ирызку  аинформациа ҿыц цәырыргоит  2025 шықәса ҧхынгәы 25 рзы.