2025 шықәса ҧхынгәы азы иҟоу адыррақәа рыла, Қырҭтәыла жәларбжьаратәи авалиутатә резервқәа   331,3 миллион адоллар рыла иазҳан,  5,0 миллиард адоллар иаҟарахеит.

Амилаҭтә банк аинформациа инақәыршәаны, жәларбжьаратәи авалиутатә резервқәа атәыла амакроекономикатә ҭышәынтәалара еиқәдыршәоит.

«Жәларбжьаратәи авалиутатә резервқәа атәыла амакроекономикатә ҭышәынтәалара ахьчаразы зҵакы дуу факторуп.  Ҳазҭагыло аамҭазы, аџьармыкьатә кониунктура бзиа абзоурала, Қырҭтәыла Амилаҭтә банк ахатә резервқәа рхарҭәаара нанагӡоит.  Хәажәкыразы   101,7 млн адоллар аахәара цқьа мҩаҧган, мшаҧы азы  — 266,4 млн, лаҵарамзазы  — 245,4 млн,  рашәарамзазы – 266  миллион адоллар. Зынӡа, ажьырныҳәа инаркны рашәаранӡа абанк аанахәит 879,5 млн млн. адоллар. Рашәарамзатәи астатистика цәыргахоит нанҳәа 25 рзы», — ирҳәеит Қырҭтәыла Амилаҭтә банк аҿы.

Абанк адыррақәа рыла,  2025 шықәса ҧхынгәы азы иҟоу аҭагылазаашьа ала, жәларбжьаратәи авалиутатә резервқәа рзеиҧш аҭаӡараҿы ахьы ахәҭа  15,1%  (757  млн адоллар) иаҟароуп.

Қырҭтәыла Амилаҭтә банк аофициалтә жәларбжьаратәи резервқәа ирызку ирҿыцу аинформациа цәырнагоит  2025 шықәса цәыббра 8   рзы.