Қырҭтәыла аҧыза-министр Иракли Кобахиӡе Европатәи аполитикатә аидҵара (EPC) асаммит аҳәаақәа ирҭагӡаны, Европа Ахеилак амаӡаныҟәгаҩ хада Ален Берсе диҧылеит.

Аиҧылараҿы Қырҭтәылеи Европа Ахеилаки русеицуреи, Европа Ахеилак Апарламенттә Ассамблеиа арезолиуциақәеи ирылацәажәеит.

“Аиҧылараҿы атемақәа зегьы ҳрылацәажәеит, Европа Ахеилак Апарламенттә Ассамблеиагьы. Ишыжәдыруа еиҧш, Апарламенттә Ассамблеиа аконкреттә резолиуциа анышьақәнарҕәҕәа ашьҭахь, ҳара Ассамбелиаҿы аусура ҳаҟәыҵит. Ҳара араагьы ишьақәҳарҕәәҕеит Европа Ахеилак аус ацура ҳшазыхиоу, Апарламенттә Ассамблеиагьы аус ацура ҳазыхиоуп, аха, ари аусеицура аконкреттә принципқәа рышьаҭала ишьақәгылароуп. Ҳаҭыр зқәу Ален Барсе ҭабуп ҳәа иасҳәеит ҳтәыла иадҳәалоу апроцессқәа дахьрылахәу азыҳәан, арҭ аизыҟазаашьақәа наҟ-наҟгьы инагӡахап ҳәа сгәыҕуеит“, – иҳәеит Иракли Кобахиӡе.

Аиҧылара рхы аладырхәит Қырҭтәыла адәныҟатәи аусқәа рминистр Мака Боҷоришвилии аиҳабыра радминистрациа аиҳабы Леван Жоржолиании.