Апатриархиа Паата Бурҷулаӡе иинициатива иадҳәаланы аҳәамҭа аланарҵәеит. Аҳәамҭа ишану ала, ауахәама иарбанзаалак аполитикатә мчы изаҿагылом, егьаҿагылом.

«Мшаҧы 6 рзы Паата Бурҷулаӡе Қырҭтәыла Акаталикос-Патриарх диҳәеит мшаҧы  9 рзы аҧсадгьыл зхы ақәызҵаз ауаа ҳаҭырла ргәаларшәареи усҟан иҟалаз арыцҳара агәаларшәареи азы  мшаҧы 9 ашырҧаз Қашвеҭи аныхабааҿ асаркьал асра азин ииҭарц. Аха, Паата Бурҷулаӡе ишиҳәаз ала, мшаҧы  8-9 рзы иара аполитикатә ақәҧара дшалаго атәы ааицҳар иҭахуп. Ишубарҭоу ала,  иара асаркьал асрагьы ари ахықәкы иазикыр иҭахуп. Адоуҳатә хаҿқәа ргәаанагарақәа шеиҧшымгьы, инеизакны, ауахәама иарбанзаалак аполитикатә мчы изаҿагылом, егьаҿагылом. Ауахәама ауаа реидкылара иазкызароуп, Анцәа иажәа иақәныҟәалароуп, уи зегьы иазҧхьагәарҭароуп.

1989 шықәса мшаҧы  9 ҳтәыла аҭоурыхаҿ акрызҵазкәа мшуп. Уи инамаданы, ишаҧу еиҧш,  Мшаҧы  9 амемориал аҿгьы, Ҟашвеҭи аныхабаа аҿгьы, Қырҭтәыла егьырҭ аныхабаақәеи аберҭыҧқәеи рҿы апанихида мҩаҧгахоит», — иануп Қырҭтәыла Апатриархиа аҳәамҭаҿы.