«Ауаа рацәа, саргьы санрылаҵаны, даараӡа ҳгәы иалсит ҳхықәкы аҵыхәанӡа анагӡара ахьҳалымшаз. Апрезиденттә ахан аҧхьа ҳажәлар ирҿагылаз  апровокациа шыҟалаз аадыруеит», – иҳәеит  Паата Бурҷулаӡе иахьатәи аӡбаратә процессаҿ.

Бурҷулаӡе иажәақәа рыла, иара макьана ари ахҭыс инарҭбааны дзалацәажәом, хара имгакәа, ауаа аҭагылазаашьақәа зегьы еилыркаауеит.

«Жьҭаара 4 рзы иҟалеи  — апрокурор иахь ҷыдала ааҧхьара ҟасҵар сҭахуп.  „Ақырҭуа гәахәтәы“ атермин  „аҭынчратә ахҳәара“ еснагь иаргәамҵуан. Дара ари афраза амчыларазы ааҧхьара аҳасабала иаадырҧшыр рҭахуп, аха, ҳаҭыр зқәу аӡбаҩ, иахьа ишәасҳәар сҭахуп жьҭаара 4 рзы аҭынчратә ахҳәара шыҟалаз. Уи қәҿиарала имҩаҧган  —Ахақәиҭра ашҭаҿгьы Русҭавели имҩаду аҿгьы.  Зегьы ибзианы ирдыруеит амчылара шыҟамыз. Қырҭтәыла ауааҧсыра, еицҿакны,  азакәандаратә напхгара рыҧсахит.  Апрезиденттә ахан аҧхьа иҟалаз иазкны аиҳабыра шәразҵаа. Шәазхәыц: жьҭаара 4 ианалацәажәо, дара Аҭонели имҩаҿ иҟалаз мацароуп излацәажәо, аха, Ахақәиҭра ашҭаҿ иҟалаз аӡбахәгьы рҳәом. Избанзар, уаҟа, зқьҩыла ауаа ахьеизаз аизараҿы, адиктатура акаҳара шьақәырҕәҕәан, уа апровокациа рзыҟамҵеит. Амчыларазы ааҧхьара ҟаҵан ҳәа аӡәгьы изыҳәом. Жьҭаара 4 рзы ауааҧсыра зегьы жәлар реизарахь ааҧхьара рыҭан. Сара сыҧсҭазаареи скариереи аартуп. Стәылауаҩратә позициеи скариереи, сбаҩхатәреи   зегьы ирдыруеит. Сара еснагь сыҧсадгьыл амаҵ зуан, асцена аҟынтәи, агәыҳалалратәи ауаажәларратә усура салахәын. Уажәы сара ауаа амчыларазы ааҧхьара рзыҟасҵазшәа исхарарҵоит.

Уи зыҟарҵо еилкаауп  — „Ақырҭуа гәахәтәы“ апатриотизм ацәгьауроушәа аадырҧшыр рҭахуп, дара рхымҩаҧгашьа  — аҧсадгьыл ачарҳәара — фырхаҵарас аадырҧшуеит.  Жьҭаара 4 рзы имҩаҧгаз аизараҿы  ақырҭуа жәлар Аконституциа рыхьчар шырҭаху рҳәеит. Уаҟа зеиҧшҟамлац ала ирацәаны ауаа еизеит  —  250 000ҩык иреиҳаны.  Ауаа рацәа, саргыь санрылаҵаны, даараӡа ҳгәы иалсит ҳхықәкы аҵыхәанӡа анагӡара ахьҳаламшаз. Апрезиденттә ахан аҧхьа ҳажәлар ирҿагылаз  апровокациа шыҟалаз аадыруеит.  Сара макьана ари ахҭыс инарҭбааны сзалацәажәом, хара имгакәа, ауаа аҭагылазаашьақәа зегьы еилыркаауеит.  Ҳара ҳакәӡам азакәандаратә еиҳабыра ирҿагыло, гәыҧҩык аузурпаторцәа анапхгара змоу ақырҭуа жәлар ирҿагылоуп», – иҳәеит  Паата Бурҷулаӡе.