Паата Бурҷулаӡе — Жьҭаара 4 рзы акциа акәымкәа, жәлар реизара мҩаҧгахоит, абжьыҭира мҩаҧаагоит, атәылауаа амчра рнапахьы иргар ҳҭахуп, ҳара ҳазынтәгьы, ҳаицҿакны – ааи – ҳәа ианаҳҳәалак, убасҟанҵәҟьа ари атәыла ҳаҧшәыманы ҳҟалоит
Жьҭаара 4 рзы ҳагьалагоит ҳагьалгоит, ҳара хымҧада аиааира ҳгоит, — иҳәеит аҵысра «Русҭавели имҩаду» алидер Паата Бурҷулаӡе.
Бурҷулаӡе иҳәамҭала, жьҭаара 4 рзы акциа акәымкәа, жәлар реизара мҩаҧгахоит.
«Мызқәак раҧхьа проблемак акәын иҳамаз, шаҟа аҭаху аҟара ауаа адәахьы идәылҵуа идәылымҵуа ҳаздырӡомызт. Шаҟа аҭаху акәымкәа, иаҳа ирацәаны идәылҵуеит ҳәа сгәы иаанагоит.
Уи акциа акәӡам. Уи жәлар реизароуп. Уаҟа ҳара зҵаарақәак ҳрылацәажәоит. Раҧхьа иргыланы иҳаӡбароуп, ҳара, Қырҭтәыла атәылауаа, Аконституциа инақәыршәаны амчра ҳнапахьы агара иаҳҭаху иаҳҭахыму. Агәра ганы сыҟоуп зегьы ааи ҳәа шырҳәо. Ааи ҳәа ианаҳҳәалакҵәҟьа, абри аминуҭ инаркны ари атәыла ҳаҧшәымахоит.
Ҳара хымҧада аамҭалатәи атехникатә аиҳабыра иқәҳаргылароуп. Хымҧада аҿыц апарламенттә алхрақәа мҩаҧгазароуп, аиааира зго апартиа анапхгаратә партиахоит», — иҳәеит Бурҷулаӡе.
