Կովիդի երկու լիարժեք պատվաստման փաստաթուղը սահմանին ներկայացնելու դեպքում, բոլոր երկրների քաղաքացիները կկարողանան անվերապահորեն մուտք գործել Վրաստան,- այս մասին համակարգող խորհրդի նիստից հետո կայացած ճեպազրույցի ժամանակ, հայտարարել է էկոնոմիկայի և կայուն զարգացման նախարար Նաթիա Թուրնավան:

Ինչպես նշել է Նաթիա Թուրնավան, աշխարհում պատվաստվածների թիվն աճում է, և սա առաջին թիրախային խումբն է:

«Ինչ վերաբերում է օտարերկրյա այցելուներին, և դա արդեն իսկ կարևոր մաս է զբոսաշրջության ոլորտի համար, ապա ցանկանում ենք տեղեկացնել, որ ցանկացած տեսակի կովիդ պատվաստանյութի լիարժեք ներարկումը հաստատող փաստաթուղը ներկայացնելու դեպքում, բոլոր երկրների քաղաքացիները, կարող են անվերապահորեն մուտք գործել Վրաստան: Մենք նախատեսում ենք, որ աշխարհում պատվաստվածների թիվն աճում է և դա մեր առաջին թիրախային խումբն է, որին նույնիսկ կարող ենք տանել կանաչ Աջարիա: Ինչ վերաբերում է պատվաստում չանցած այցելուներին, Եվրամիության, Իսրայելի, Շվեյցարիայի, ԱՄՆ-ի, Սաուդյան Արաբիայի, Արաբական Միացյալ Էմիրությունների, Բահրեյնի քաղաքացիներին, նրանք կարող են սահմանին ներկայացնել վերջին 72 ժամվա ընթացքում կատարված թեստի պատասխանը, այնուհետև երրորդ օրը նրանք պետք է փորձարկվեն սեփական միջոցներով: Այս կապակցությամբ ես կցանկանայի դիմել ավիաընկերություններին և վստահ ենք, որ նրանք դա հաշվի կառնեն, որ ինքնաթիռ չթողնեն այն անձանց, ովքեր չեն ունենա վերջին 72 ժամում կատարված փեստի արդյունքը կամ լիարժեք պատվաստումը հաստատող փաստաթուղթը: Սա շատ կարևոր նորամուծություն է, որը մեզ հնարավորություն է տալիս հաջորդ շաբաթվանից սկսել շատ ակտիվ հանդիպումներ տուրօպերատորների, հյուրանոցների, զբոսաշրջության արդյունաբերության այլ ներկայացուցիչների հետ», – հայտարարել է Թուրնավան: