Украина аштаб хада - Урыстәыла Украина арратәи атәылауаҩратәи аобиектқәа рхырхарҭала аракетатә бжьжәыларак, авиациатә 25 аахақәа мҩаԥнагеит, иара убас ареактивтә системақәа рҟынтә 20 хысра нанагӡеит
Украина аштаб хада аинформациа ала, Урыстәыла Украина арратәи атәылауаҩратәи аобиектқәа рхырхарҭала аракетатә бжьжәыларак, авиациатә 25 аахақәа мҩаԥнагеит, иара убас ареактивтә системақәа рҟынтә 20 хысра нанагӡеит.
Аурыс аураа амҵәыжәҩақәа змоу аракетақәеи аԥырҩы дызмам аҳаирпланқәеи рхы иадырхәит. Украина аҳауатә тәылахьчаратә мчқәа ԥшьракетак ҭадырхеит.
Украина ар аштаб хада аинформациа ала, Урыстәыла ар Лугансктәи Донецктәи арегионқәа рҿы амчқәа рконцентрациа нарыгӡоит. Иҳаҩсыз уахи-ҽни рыла аурысцәа 23 жәылара мҩаԥыргеит, аха украинаа аӷа иҿагылара ирылшеит.
Аурысцәа Сумтәи аобласт 22-нтә абомбақәа ақәрыжьит. Иара убас абомбақәа ақәрыжьит Харковтәи арегионгьы.
