Ари азакәан аҵакы агәыҭынчымра дуӡӡа ҳазцәырнагоит, ҳгәы шаанаго ала, абри еиԥш азакәанпроекти Евроеидгыла ахықәкқәеи еинаалом, – иҳәеит ЕАШ аҳәынҭдепартамент апресспикер ихаҭыԥуаҩ Ведант Патель “Атәымтә нырра аартызаара” иазку азакәанпроект апрессконфеенциаҿ данахцәажәоз.

Ажурналист Руса Шелиа ЕАШ аҳәынҭдепартамент апресспикер ихаҭыԥуаҩ апрессконференциаҿ азҵаара изықәлыргылеит Европарламент Қырҭтәыла иазку арезолиациа адкылареи асанкциақәа ршьақәыргылареи, иара убас аконгресс аҿы ари азҵааразы адискуссиақәа ралагареи ирызкны.

“Аконгресс аҿы аконсультациақәа рыхцәажәара сгәы иҭам, аха ари азакәанпроект мчыбжьқәак ҵуеит ҳахцәажәоижьҭеи. Абри еиԥш азакәан рыдыркылахьеит Кремли аихқәа, атәылауаҩратә уаажәларратә еиҿкаарақәеи ркыдцалара иахьаҿу атәылақәеи рҿы. Сгәы шаанаго ала, абри еиԥш азакәанпроекти Евроеидгыла ахықәкқәеи еинаалом“,- иҳәеи Патель.