Украина арбџьармчқәа рыштаб хада аинформациа ала, Украинатәи аруаа Донецктәи аобласт ақыҭа Урожаиное ахы ақәиҭтәра ашьҭахь, аладахьала аԥхьаҟа анаскьара рылшеит. Ари ааицҳаит Украина арбџьармчқәа рыштаб хада ахаҭарнак Андреи Ковалев.

Ковалев иажәақәа рыла, украинатәи аруаа Бахмути, Мелитополи, Бердиански рхырхарҭала ажәыларақәа нарыгӡоит.

Урыстәылатәи ар Авдеевкеи Марикеи рхырхарҭала ажәылара нанагӡоит. Аҵыхәтәантәи 24 сааҭ рыла Урыстәылеи Украинеи еиуеиԥшым аобластқәа рҿы 20 иреиҳаны аидысларақәа рыман

Украинатәи аруаа ишаарыцҳауа, иҳаҩсыз уахи-ҽни рыла Запорожиетәи аобласт аҿы урҭ КА-52 атип змоу урыстәылатәи ҩгьежьԥрыгак карыжьит.

Урыстәы́ла Украина аҵакыраҿ аракетатә жәыларақәа аннагӡоит. Днепропетровсктәи аобласт аҿы ажәылара амшала 10 000-ҩык афымцалашарада аанхеит.