«Путин Қьырса аныҳәа ихы иаирхәар иҭахуп  украинатәи арбџьармчқәа раанкыларазы», — иҳәеит Украина ахада Владимир Зеленски авидеоааҧхьараҿы.

«Уажәы дара Қьырса аныҳәа рхы иадырхәар рҭахуп Донбасс ҳарбџьармчқәа раанкылареи рхатә техника иаҳа иааигәаны аргылареи азыҳәан. Уи  иахылҵуеи? Иаҳа ирацәаны ауаа иҭахоит. Адунеи зехьынџьара ирдыруеит Кремль аибашьраҿы аҧсеивгара рхы ишадырхәо амч ҿыц ала аибашьра анагӡаразы. Излауа ала ирласны аибашьра ахыркәшаразы зынӡаскгьы даҽак ҳҭахуп. Урыстәыла атәылауаа, Қьырса аныҳәаз акәзаргьы, Кремль иҟоу уаҩҧсык ишәара иаҟәыҵроуп.  Шәара ишәылоу ашәара шәтәыла арбгоит. Аибашьра аҟәыҵра – шәҳәынҭқарра агрессиа аҟәыҵра ауп иаанаго. Шәара украинаа аҧсеивгара рышәҭом. Ауаа идыргәаҟуеит, рцәа ҧырҽуеит. Арҭ афактқәа есымша инагӡоит, шәсолдаҭцәа ҳадгьылаҿ иахьынӡаҟоу есымша инагӡалоит. Шәсолдаҭцәа ҳадгьыл ианықәҵлак ма иандәылаҳцалак ауп аибашьра анхыркәшахо», — иҳәеит  Зеленски.