«Шықәсык иалагӡаны  анхара азин аиуразы, атәымтәылауаҩ, Қырҭтәыла,  100 000  адоллар ацынхәрас, 150 000 адоллар зыҧсоу иеиҭамҵуа амал ааихәароуп», — иҳәеит апарламенттә аиҳара алидер Мамука Мдинараӡе иахьатәи абрифинг аҿы.

Мдинараӡе иҳәамҭала, атәымтәылауаа рзы аинвестирра аҭагылазаашьақәа хәыҷык иџьбарахоит.

«Ахҧатәи ахырхарҭа  — аинвестициатә зинқәа рхырхарҭоуп. Ишыжәдыруа еиҧш, атәымтәылауаҩ Қырҭтәыла 100 000 адоллар иаҧсоу иеиҭамҵуа амал ааихәар, шықәсык иалагӡаны анхара азин иоуеит. Аҵыхәтәантәи фышықәса рыла абри аҩыза азин роуит  16 000ҩык атәымтәылауаа, урҭ рҟынтә   3 600ҩык мацароуп иахьазы анхара азин ззаанхаз.  Аха, уезгьы, ҳара аинвестирра аҭагылазаашьақәа хәыҷык иҳарџьбароит.  Иаҳа ирацәаны аинвестициақәа ҳаурц азыҳәан, атәымтәылауаҩ, шықәсык иалагӡаны Қырҭтәыла анхара азин иоурц азыҳәан,  100 000  адоллар ацынхәрас, 150 000 адоллар зыҧсоу иеиҭамҵуа амал ааихәароуп», — иҳәеит  Мамука Мдинараӡе.