Қырҭтәыла аҧыза-министр Иракли Кобахиӡе Аҳәынҭқарратә шәарҭадара амаҵзура аусзуҩцәа амаҵзура аиҳабы ҿыц Мамука Мдинараӡе дрыдигалеит.

Аиаҳабыра рнапхгаҩы Мамука Мдинараӡе иквалификациа ҳараки изанааҭдырреи иазгәеиҭеит, иара убас, Аҳәынҭқарратә шәарҭадара амаҵзура ҧасатәи аиҳабы Анри Оханашвили имҩаҧигаз аусуразы ҭабуп ҳәа иеиҳәеит.

“Аҳәынҭқарратә шәарҭадара амаҵзура иаҳа арҕәҕәара ҳара ҳзы аҧыжәара хада змоу аҳасабтәқәа иреиуп. Анри Оханашвили ари аус аҿы алагала ду ҟаиҵеит, идуӡӡаны иҭабуп ҳәа иасҳәар сҭахуп. Иара намыс змоу, иалкаау уаҩуп, иҳаҩсыз аамҭа иалагӡаны ари амаҵзура намысла дахагылан. Ҳаҭыр зқәу Мамука Мдинараӡе дшәыдазгалар сҭахуп. Иҳаҩсыз ашықәсқәа рзы иара анапхгаратә гәыҧ иалкаау алидерцәа дреиун, еиуеиҧшым ахырхарҭақәа рыла қәҿиарала аҿиара еиқәиршәон, ҳтәыла аҿиареи ашәарҭадара арҕәҕәареи  апроцессаҿ акрызҵазкәа алагала ҟаиҵеит. Иара акыршықәса ирылагӡаны, қәҿиарала, азинхьчаратә структурақәа рҿы аус иуан, убри аҟынтә, абри амаҵзура қәҿиарала анапхгара аҭаразы иаҭаху аҧышәа ду имоуп”, – иҳәеит Иракли Кобахиӡе.

Аҳәынҭқарратә шәарҭадара амаҵзура аиҳабы Қырҭтәыла аиҳабыреи апарламенти изаадырҧшыз агәрагаразы ҭабуп ҳәа реиҳәеит. Мамука Мдинараӡе атәыла аҿаҧхьа иқәгылоу апроблемақәа еффективла рыҿагылара апроцессаҿ амаҵзура инанагӡо ароль далацәажәеит.

“Иахьа ҳтәыла адунеи ахсаалаҿы ахатә ҭыҧ ҷыда аанкылара қәҿиарала иазықәҧоит. Ҳмаҵзура ари аус аҿы иашьашәалоу аҭыҧ аанамкылар, ари аҽазкра алҵшәа ахылымҵыр ауеит. Ҳаҭыр зқәу Биӡина Иванишвилии, ҳаҭыр зқәу Иракли Кобахиӡеи, егьырҭгьы, ҳтәыла иахьатәи анапхгара, ҳара ҳазынтәгьы ҳазлагаз аус нагӡатәуп, ари аҽазкра шьақәырҕәҕәазароуп, ари аус аҿы иарбан маҵзуразаалак, иарбан усбарҭазаалак, Аҳәынҭқарратә шәарҭадара амаҵзура инанагӡо ароль ду структуракгьы изынанагӡом, ари аганахьала шәызынтәгьы сшәықәгәыҕуеит”, – иҳәеит Мамука Мдинараӡе.