«Украина имҩаҧысуа аибашьра европауаа аморалтә проблема иҭанаргылеит, дара цьа еилыркаароуп аеффективтә шьаҿақәеи аҭакҧхықәреи аныҟам аибашьра анагӡаразы ааҧхьара аҟаҵара ишнамысдароу. Аҭакҧхықәрадатә акторцәа Европа ашәарҭадара иаҧырхагоуп», — иҩит апарламент ахантәаҩы Шьалуа Папуашвили  Facebook идаҟьаҿы.

Папуашвили ишиҩыз ала, «аибашьра алагара инаркы хышықәса анҵы ашьҭахь иалагаз аиҿцәажәарақәа аҭынчра ашьақәыргылароуп хықәкыс ирымазааша, аибашьра анагӡара акәымкәа. Аиҿцәажәарақәа ирылахәызароуп аҭак зыҧхықәу аҳәынҭқаррақәа».

«Украина имҩаҧысуа аибашьра европауаа аморалтә проблема иҭанаргылеит, дара цьа еилыркаароуп аеффективтә шьаҿақәеи аҭакҧхықәреи аныҟам аибашьра анагӡаразы ааҧхьара аҟаҵара ишнамысдароу. Аҭакҧхықәрадатә акторцәа Европа ашәарҭадара иаҧырхагоуп. Аӡәы  «ашьеи, аџьабааи, алаҕырӡи, аҧхӡи» иҭахызар, абри зегьы даҽаӡәы иакәымкәа,  иара итәы акәзароуп. НАТО аҧҟанҵа ахәбатәи астатиа инақәыршәаны, ахатә инициативала аибашьра аҽалархәра азин иҟоуп. Жәларбжьаратәи ашәарҭадара аиқәыршәара аус аӡәы иҽалаирхәыр иҭахызар, украинаа гәахәарала аибашьраҿы рыруаа рыдыркылоит. Украина аибашьра ианалага инаркны, Қырҭтәыла аиҳабыра ирылшоз зегьы ҟарҵеит Урыстәылаҟны аескалациа иацәцарцаз. Проблемақәак ҟалазҭгьы, аӡәгьы ашәарҭадара агарантиақәа ма аекономикатә цхыраара  ҳаимҭомызт. USAID-и NED-и рҟынтә аҧара зауа аҭыҧантәи арадикалтә партиақәеи иҳәынҭқарратәым аиҿкаарақәеи ари ақәыҕәҕәара иаҳа идырҕәҕәеит. Усҟан Қырҭтәыла анапхгара урҭ рыбжьагарақәа нарыгӡазҭгьы, иахьа ҳтәылаҿы   «ашьеи, аџьабааи, алаҕырӡқәеи, аҧхӡи» рацәахон.  Аибашьра алагара инаркы хышықәса анҵы ашьҭахь иалагаз аиҿцәажәарақәа аҭынчра ашьақәыргылароуп хықәкыс ирымазааша, аибашьра анагӡара акәымкәа.  Егьырҭ рхарџьла зхатә интересқәа назыгӡар зҭаху атәылақәа ракәымкәа, аҭакҧхықәра змоу аҳәынҭқаррақәа роуп арҭ аиҿцәажәарақәа мҩаҧызгаша», — иҩит Папуашвили.