«Аҵыхәтәантәи ашықәсқәа рзы Қырҭтәылеи Китаии реизыҟазаашьақәа рҿы ақәҿиара дуқәа иҟоуп, агәра ганы сыҟоуп адинамика бзиеи еиуеиҧшым аусхкқәа рҿы апартниорра арҭбаареи наҟ-наҟгьы ишынагӡахо», — иҳәеит Қырҭтәыла апарламент ахантәаҩы Шьалуа Папуашвили  Китаитәи жәлартә аполитикатә консультативтә конференциа  (CPPCC) ахантәаҩы  Ван Ҳунин даниҧыла ашьҭахь. 

Папуашвили Китаи анапхгара ҭабуп ҳәа реиҳәеит Қырҭтәыла аҵакырадгьылтә акзаара адгылареи импыҵахалоу аҵакырадгьылқәа рызхаҵамра аполитика ақәныҟәареи азыҳәан.

«Қырҭтәылеи Китаии ирзеиҧшу хықәкык рымоуп,  – амилаҭтә суверенитети,  аҭынчреи,  ашәарҭадареи рыхьчареи,  иара убас,   жәларбжьаратәи зин апринципқәа рыдгылареи жәларбжьаратәи аизыҟазаашьақәа рҿы патуеиқәҵареи. Убри аҟынтә,  Китаи ҳаҭабууп Қырҭтәыла аҵакырадгьылтә акзаара адгылареи импыҵахалоу аҵакырадгьылқәа рызхаҵамра аполитика ақәныҟәареи азыҳәан.

Анеҩстәи ашықәс азы ҳтәылақәа адипломатиатә еизыҟазаашьақәа рышьақәыргылара инаркны 35 шықәса аҵра иазгәарҭоит. Агәра ганы сыҟоуп адинамика бзиеи еиуеиҧшым аусхкқәа рҿы апартниорра арҭбаареи наҟ-наҟгьы ишынагӡахо», — иҳәеит Қырҭтәыла апарламент ахантәаҩы Шьалуа Папуашвили.