«Қырҭтәыла анапхгара 2 ҳасабк рымоуп: аҵакырадгьылтә акзаара аиҭашьақәыргылареи ақырҭуа жәлар рмышхәыбзазара аиқәыршәареи», — иҳәеит апарламент ахантәаҩы Шьалуа Папуашвили.

Иара иажәақәа рыла, аҵакырадгьылтә акзаара азықәҧараҿы аполитикатә сентиментқәеи аиллиузиақәеи ирҭыҧым; Қырҭтәыла аҵакырадгьылтә акзаара иазхазымҵо аҳәынҭқарреи аиҳабыреи ақырҭуа жәлар рҩызас изыҟалом.

«Қырҭтәыла анапхгара 2 ҳасабк рымоуп: аҵакырадгьылтә акзаара аиҭашьақәыргылареи ақырҭуа жәлар рмышхәыбзазара аиқәыршәареи. Аҵакырадгьылтә акзаара азықәҧараҿы аполитикатә сентиментқәеи аиллиузиақәеи ирҭыҧым; Қырҭтәыла аҵакырадгьылтә акзаара иазхазымҵо аҳәынҭқарреи аиҳабыреи ақырҭуа жәлар рҩызас изыҟалом.

Қырҭтәыла иеиҧшу аҳәынҭқарра хәыҷқәа рзы жәларбжьаратәи азин еснагь ахадаратә ҵакы аман, ишубарҭоу ала, ари азин аҵаки ароли иҧсыҽхеит. Ҳара иаҳҳәоз шьақәырҕәҕәахеит: Аҩбатәи адунеитә еибашьра ашьҭахь ишьақәгылаз жәларбжьаратәи аиҿкаара уаҳа иҟам.

Иахьа Венесуела ирҳәаз зегьы уаанӡагьы иаадыруан. Ашәышықәсақәа ирылагӡаны абри аҩыза  «жәларбжьаратәи аиҿкаарақәеи» агеополитикатә катастрофақәеи  ҳархысхьеит, аха, ҳаиқәзырхаша амҩа ҳаҧшааит. Абри ауп ҳҳәынҭқаррара еиқәзырхаз. Ари аҳасабтә иахьагьы аҽамҧсахит  — аҳәынҭқарра дуқәа ишьҭырхыз аштом аҿы ҳҳәынҭқарра ҧырхагак азаамгакәа, ишәарҭам абаҕәазанӡа қәҿиарала анагара.

Венесуела минуҭқәак рыла имҩаҧгаз аоперациа ҷыда даҽазнык ишьақәнарҕәҕәеит Евроеидгыла, жәларбжьаратәи аиҿкаара агаранти аглобалтә ахәмарҩи аҳасабала, уаҳа ишыҟам.  Уи еиҳангьы, лабҿаба иубарҭахеит Бриуссель, ианырҭаху, адунеитә аиҿкаара аилагара аҟынтә ахырҳагара аиура ишацәымшәо. Уи  лабҿаба иубарҭоуп жәларбжьаратәи азин еилаганы дара Қырҭтәыла ишазныҟәо алагьы.

Ажьырныҳәа алагамҭаз иалагаз жәларбжьаратәи ашторм иаҳа иҕәҕәахар ауеит, убри аҟынтә,  2026 шықәсазы еиқәҳаршәаз аплан наҳагӡоит  — аҭынчра аполитика наҳагӡоит, егьырҭ рсценариқәа ҳрылахәхәом.

Ҳара  аҭынчреи, мышхәыбзазареи,  ихьыҧшым иаку Қырҭтәылеи зҭаху ҳажәлар ҳашьҭагылоуп. Иҭынхадоу ақырҭцәа еицаҟьақәа иҟарҵо зегьы, ражәа цыҧхьаӡа даҽазнык ишьақәнарҕәҕәоит  «Ақырҭуа гәахәтәы» ада уаҳа аӡәгьы ари ахықәкы шизынаимгӡо, ари амҩаҿ  ҧырхагак ҳзаагара аӡәгьы илшом», — иҩит  Шьалуа  Папуашвили.