«Швециа Адәныҟатәи аусқәа рминистрра Швециа аҧыза-министр лҳәамҭа хәыҷык ириашаны, ишьақәнарҕәҕәароуп  ЛГБТ-аибагарақәа Евроеидгыла алахәызаара аформалтә критериақәа ишрыҵанамкуа», — иҩит Қырҭтәыла апарламент ахантәаҩы Шьалуа Папуашвили асоциалтә аҳаҿы.

Папуашвили  Евроеидгыла азҵаарақәа рзы Швециа аминистр Џьессика Розенкранц иҟалҵаз аҳәамҭа дахцәажәеит. Лара ишылҳәаз ала,  «Евроеидгыла азакәан инақәырәшаны, ари аиҿкаара алахәылацәеи акандидатцәеи рхатә закәаанҧҵарахь  ЛГБТ-аибагарақәа рконцепциа алагалара ируалым».

Папуашвили ишиҩыз ала, ари аҳәамҭагьы даҽазнык ишьақәнарҕәҕәеит  «Аҭаацәаратә принципқәеи зықәра наӡам рыхьчареи иазку» азакәан евроинтеграциа апринципқәа ишрышьашәалоу.

«Евроеидгылашҟа Қырҭтәыла алаларазы Евроеидгылеи Қырҭәтылеи иззеиқәшаҳаҭхаз апринципқәа ҳаизыҟазаашьақәа рзы шьаҭас иаанхароуп, уи аҵакы ду амоуп, хазы тәылақәаки, политикцәақәаки, абиурократиеи ҳтәыла евроинтеграциа иаҧырхагамхарц азыҳәан.

Қырҭтәыла евроинтеграциа апроцесс иазгәыкуп, аха, ҳмилаҭтә принципқәеи ҳҳәынҭқарратә интересқәеи рзы, ҳажәлар рзинқәа ҕәҕәала иҳахьчароуп, уи ауп ихадоу», — иҩит Шьалуа Папуашвили.