Қырҭтәыла апарламент ахантәаҩы Шьалуа Папуашвили Шәамахьтәыла ахада Ваагн Хачатуриан диҧылеит.

Апарламент апресс-маҵзура адыррақәа рыла, аиҧылараҿы Шьалуа  Папуашвили иаҵшьны иазгәеиҭеит ҩ-тәылак интенсивла аус шеицыруа, Аахыҵ Кавказ арегионаҿ адинамика шыбзиоу.

«Шьалуа  Папуашвили иҳәамҭала, зҽызыҧсахуа адунеиаҿ, аҧҟарақәа рышьаҭала ишьақәгылаз жәларбжьаратәи аиҿкаара аганахьала апроблемақәа анырацәоу аамҭазы, Қырҭтәылеи Шәамахьтәылеи дара-дара рхьыҧшымреи рҵакырадгьылтә акзаареи иадгылоит.  Аиҧылараҿы хшыҩзышьҭра азун қәҿиарала имҩаҧысуа апарламенттә усеицура. Шәамахьтәыла ахада ишиҳәаз ала, адәныҟатәи амчқәа рҟынтә анырра шдуугьы, атәылақәа рхатә милаҭтә интересқәа рыхьчара рылшароуп. Аганқәа рхаҭарнакцәа ишырҳәаз ала, аҩ-ганк ибзианы ирдыруеит аҭынчра зыҧсоу, убри аҟынтә, аҭынчра ахьчара азҵаара ҭакҧхықәра дула иазныҟәеит.

Иара убас, аиҧылараҿы, Қырҭтәылеи Шәамахьтәылеи Евроеидгылеи реизыҟазаашьақәагьы ирылацәажәеит. Иаҵшьны иазгәаҭан  аимадара аиҕьтәразы  «Абжьаратә корридор» иамоу аҵакы», — иануп апарламент апресс-маҵзура адырраҿы.

Аиҧылара рхы аладырхәит апарламент ахантәаҩы ихаҭыҧуаҩ  Илиа Инџьиеи, адәныҟатәи аимадарақәа рзы акомитет ахантәаҩы  Николоз Самхараӡеи, аекономикатә политиказы акомитет ахантәаҩы  Шоҭа Берекашвилии Шәамахьтәылаҟны аиҩызаратә әгыҧ алахәыла  Сумбат Киурегиани.