«Қырҭтәыла ахатә шәарҭадареи аҵакырадгьылтә акзаара аиҭашьақәыргылареи еиқәнаршәароуп.  Ҳара ҳхықәкы хада  — еиуеиҧшым атәылақәа ма адәныҟатәи амчқәа Қырҭтәыла иаҿагыло ринтересқәа рынагӡара аҧырхагахара», — иҳәеит апарламент ахантәаҩы Шьалуа Папуашвили.

Иара иажәақәа рыла, уи азыҳәан еиуеиҧшым ахархәагақәа иҟоуп  — жәларбжьаратәи аиҿкаарақәеи, иара убас, еиуеиҧшым алиансқәеи  рҳәаақәа ирҭагӡаны.

«Ашәарҭадара иазку адокументаҿ иаабаз Америка апозициа ҳахәаҧшыр,  —  ҳаргьы акыраамҭа иалагӡаны НАТО аҿаҧхьа ари азҵаара иқәҳаргылоит. Ҳара акыраамҭа иалагӡаны аҳәара ҳаҿуп  НАТО ауп зегьы зхьыҧшу ҳәа.  Ҳара акыраамҭа иалагӡаны аҭак ҳазыҧшуп  — иаарту ашә аполитика иаанаго еилаҳкаар ҳҭахуп. Едуард Шеварднаӡегьы ари азҵаара иқәиргылахьан:  “иаарту ашә” иаанагои? Ҵыхәҧҵәарада уи аҧхьа агылара ҳақәшәар, ауаҩы ахьҭа илалар ауеит. Аҳәынҭқаррагьы абасоуп ишыҟоу,  —  абри аҩыза аҭагылазаашьаҿы ашәарҭара иаҳа иазҳар ауеит. Рыцҳарас иҟалаз, ҳара арҭбааразы аконсенсус иҟам ҳәа аҳәамҭақәа ҳаҳауеит, аамҭакала, Украина иадҳәаланы аҳәамҭақәа ҟарҵоит уи хымҧада НАТО иалалоит ҳәа. Аха, ак ҟарҵама? Иҟарҵаз ҳәа акгьы ҳбом.

Қырҭтәыла НАТО алахәылас иҟаларцаз иаҭахыз зегьы ҟанаҵеит, ҳара аибашьрақәа ҳрылахәын, аинституциатә аҿиара аҩаӡара  аганахьала НАТО иалоу  7-8 ҳәынҭқаррақәа ҳреиҕьуп, НАТО ауп зегьы зхьыҧшу », — иҳәеит  Папуашвили.