Қырҭтәыла апарламент ахантәаҩы Шьалуа Папуашвили ОБСЕ Амониторингтә комитет ажәахәҟаҵаҩцәа Едит Естреллеи Сабина Чудичи дырҧылеит

Апарламент ахантәаҩы ишазгәеиҭаз ала, жьҭаразы имҩаҧгаз аҭыҧантәи алхрақәа рыла Қырҭтәылаҿ уажәтәи алхратә цикл хыркәшоуп, анеҩстәи хышықәса рыҩныҵҟа еиуеиҧшым ахырхарҭақәа рыла активла аусура нарыгӡоит.

ОБСЕ аҟны аусеицура иадҳәаланы Папуашвили ишиҳәаз ала,   2024 шықәсатәи апарламенттә алхрақәа рҧаршеира шьақәзырҕәҕәаша изакәызаалак ашаҳаҭгак ма документк иҟам. Убри аҟынтә,  ашықәс алагамҭаз ирыдыркылаз арезолиуциаҿы Ассамблеиа изаамҭаным алхрақәа рымҩаҧгара изаҳәоз еилкаам, убри амшала ақырҭуа делегациа ОБСЕ аҿы аусура иаҟәыҵит.

Аганқәа рхаҭарнакцәа Қырҭтәыла апарламент иаднакылаз азакәанқәагьы ирзааҭгылеит. Шьалуа Папуашвили ОБСЕ ахаҭарнакцәа инарҭбааны ирзеиҭеиҳәеит азакәанҧҵара иалагалаз аҧсахрақәа ирызкны. Иара ишазгәеиҭаз ала, акритикатә ҳәамҭақәа ззыҟаҵоу азакәанқәа Қырҭтәыла Аконституциатә аӡбареи Ауаҩытәыҩса изинқәа рзы Европатәи аӡбареи рҿы ирыхәаҧшуеит, убри аҟынтә, аполитикатә ахәшьараҭара ацынхәрас, аӡбарақәа рықәҵарақәа ирзыҧшыр еиҕьуп.

Аиҧылараҿы  Евроеидгылахь аинтеграциа апроцессаҿ Қырҭтәыла апланқәагьы ирылацәажәеит.

Папуашвили ишиҳәаз ала, ақырҭуа аган, Ассоциациа иазку аиқәшаҳаҭрала иазҧхьагәаҭоу аҧхықәрақәа  нанагӡоит.

Шьалуа Папуашвили ишазгәеиҭаз ала, Қырҭтәыла Европа Ахеилаки Апарламенттә Ассамблеиеи рылахәылас иаанхоит. Иара иаҵшьны иазгәеиҭеит Ассамблеиа ала ахьыҧшымра апринципқәеи, адемократиеи, азакәан ахадареи, ауаҩытәыҩса изинқәеи рыхьчара аҵакы.

Аиҧылара ихы алаирхәит адәныҟатәи аусқәа рзы апарламенттә комитет ахантәаҩы Николоз Самхараӡе.