«Атәыла ахада лхатә тәыла ахьыҧшымра мап ацәылкуазар, уаҟа зегьы еилкаауп. Аиашаз, ари аганахьала Молдова ҳаҵахоит», — иҩит Қырҭтәыла апарламент ахантәаҩы Шьалуа Папуашвили асоциалтә аҳаҿы.

 Папуашвили иажәақәа рыла, Қырҭтәыла европатәи амҩа  — ихьыҧшым аҳәынҭқарра амҩоуп.

«Ишҧаҟаҳҵари, х-нызқьшықәсатәи ҳҭоурых мап зацәаҳкуам, избанзар умилаҭтә ҷыдаҟазшьара агәра угозар,  „атәыла хәыҷгьы“  ахатә ҳәынҭқаррара ахьчара алшоит. Ари аҳәамҭала лабҿаба иубарҭоуп Молдова ахада лхаҭагьы агәра шылымго лтәыла ихьыҧшым аҳәынҭқарра аҳасабала Евроеидгыла ишалало. Германтәыла адемократиатә республика аҭоурых дахәаҧшуеит. Ари ареспублика Германтәыла афедеративтә республика ианалала аҽныҵәҟьа Евроеидгылахь ирыдыркылеит. Иуҳәараны иҟои. Уигьы мҩоуп  —  Европаҟа ахатә хьыҧшымра ацәыӡра ахарџьла. Ҳара ҳзы ари азҵаара мариоуп. Қырҭтәыла европатәи амҩа  — ҳхьыҧшымра аҧыхра акәымкәа,  ихьыҧшым аҳәынҭқарра амҩоуп», — иҩит  Папуашвили.

Молдова ахада Маиа Саду ишылҳәаз ала, уи еиҧш алшара ҟалазҭгьы,  лтәыла Румынтәыла адлара дадгылон.