«Аҭоурых  аган лашеи аган еиқәеи уаҳа иҟам, ацәгьареи абзиареи ргеополитикатә аиҿагылара мацароуп иҟоу», — иҳәеит Қырҭтәыла апарламент ахантәаҩы Шьалуа Папуашвили ацҳаражәҳәаҩцәа рконференциаҿы данықәгылоз.

«Уажәшьҭа лабҿаба иубарҭоуп аглобалтә шәарҭадара архитектруа шеихабгаз. Аибашьра хьшәашәа ашьҭахь жәларбжьаратәи еизыҟазаашьақәа репоха хыркәшоуп. Аҳәынҭқаррақәа зегьы амчқәа рбаланс ҿыц иашьҭоуп. Ари апроцессаҿ ахәмарҩцәа зегьы, излауа ала, рхатә интересқәа рыхьчареи дара ирзыфеидоу апозициақәа раанкылареи иазҿлымҳауп. Абри аҩыза аҭагылазаашьаҿы амилаҭтә интерес атеориатә ҵакы ацәыӡит  — ари атермин аҳәынҭқарратә политика ҳәаақәызҵо ахадаратә категориас иҟалеит. Амилаҭтә интересқәа рышьаҭалоуп аҳәынҭқаррақәа аӡбарақәа шрыдыркыло, алиансқәа шеиҿыркаауа. Аҭоурых  аган лашеи аган еиқәеи уаҳа иҟам, ацәгьареи абзиареи ргеополитикатә аиҿагылара мацароуп иҟоу. Аглобалтә конкуренциа аепоха ҳҭагылоуп, идуӡӡоу аҳәынҭқаррақәа аҧыжәаеи анырреи иазықәҧоит. Аӡәгьы аморалтә ҧыжәара наӡа имам. Ари алабҿабараҿы Америка  “адунеитә полицаи” ироль ахәмарра иаҟәыҵит. Америкатә доктрина ҿыц еилыкка иҳанаҳәоит: Америка егьырҭ аҳәынҭқаррақәа ацивилизациатә модельқәа анрыднацалоз аепоха хыркәшоуп.  Америкатә политикаҿы ҧыжәара мацарак аанхеит, уи  ахатә милаҭатә интерес ауп. Абри аҩыза аҭагылазаашьаҿы Европеи Евроеидгылеи астратегиатә аилкаамзаара иҭагылеит. Дара рполитикатәи, рекономикатәи, рырратәи шәарҭадара амодель ҿыцқәа рыҧшаара иаҿуп.  Уажәоуп Қырҭтәыла имҩаҧнаго аполитика аҵакы анубарҭоу.  Лабҿаба иубарҭоуп изакәытә ақәыҕәҕәара ду Қырҭтәыла иахнагаз, ҳтәыла  изакәызаалак алҵшәак зхылымҵуа асценари активла иалахәызар рҭахын. Ҳара ари ақәыҕәҕәара ҳхаагеит. Ақырҭуа жәлар рықәшаҳаҭреи рыдгылареи ала иҳхаагеит», — иҳәеит  Папуашвили.