«Имцху аҳәаанырцәтәи аҽалагалара ацынхәрас амилаҭтә суверинитет пату ақәҵатәуп, аҳәаанырцәынтә аҧара зауа иҳәынҭқарратәым аиҿкаарақәа рцынхәрас – атәылауаҩратә уаажәларраҵәҟьа иҟазароуп», — иҳәеит Қырҭтәыла апарламент ахантәаҩы Шьалуа Папуашвили Женева имҩаҧысуа Апарламентқәа рспикерцәа адунеизегьтәи рконференциа апленартә дебатқәа рҿы данықәгылоз. Шьалуа Папуашвили ишиҳәаз ала, Қырҭтәыла – аҳәаанырцәынтә имцху аҽалагалара амшала азарал зауз атәылақәа иреиуп.

«Ҳара лабҿаба иаабеит аҳәаанырцәынтә ацхыраарала уамашәа иубаша анарратив шышьақәгылаз. Аҳәаанырцәынтә аҧара зауа иҳәынҭқарратәым аиҿкаарақәа атәылауаҩратә уаажәларра ракәызшәа ирызныҟәон, анеҩс, ари атәылауаҩратә уаажәларра ажәлар реиҧш рхы аадырҧшит. Абри аҩыза аманипулиациа амшала, аҳәаанырцәынтә аҧара зауа иҳәынҭқарратәым аиҿкаарақәа  „ажәлар“ ракәызшәа ирызныҟәо иалагеит. Нас, абарҭ иҳәынҭқарратәым аиҿкаарақәа закәанла иалхыз Қырҭтәыла апарламент азы альтернативас иаадырҧшит, уи аамҭазы, дара ажәлар рҟынтә ироуз амадат акәымкәа, ироуа аҧароуп рлегитимра ҳәаақәызҵо. Уи, ишиашо, адемократиа аахароуп иаанаго» , – иҳәеит Папуашвили.

Иара убас, иара ишазгәеиҭаз ала, адемократиеи ахадаратә зинқәеи рыхьчара амзызла, жәларбжьаратәи азин анормақәа ихьчазароуп. Арҭ анормақәа роуп  — асуверенитети, адемократиеи, аҩныҵҟатәи аусқәа рҽаламгалареи.