«Имҕьац ахәрақәа иҟоуп, урҭ апарламент аҟынтә иахәҭоу ахәшьара роуроуп, ари аганахьала аусеилыргаратә комиссиа аҭоурыхтә миссиа нанагӡеит», — иҳәеит Қырҭтәыла апарламент ахантәаҩы Шьалуа Папуашвили аамҭалатәи аусеилыргаратә комиссиа аихшьаала ахьцәыргаз апленартә аилатәараҿы.

Иара иҳәамҭала, атәылазы аҭоурыхтә ҵакы змоу адокумент еиқәыршәоуп.

«400 даҟьала еиқәыршәоу адокумент, зегьы иаҧхьарц азыҳәан, атәым бызшәахьы еиҭагахоит.  Ари адокументаҿ  „Амилаҭтә ҵысра“ арежим  2012 шықәсанӡа антидемократиатә екстремисттә аиҿкаара аҳасаблагьы,  2012 шықәса ашьҭахьгьы, аоппозициаҿы иҟарҵоз ацәгаьаурақәа зегьы ирызку ашаҳаҭгақәа цәыргоуп. Аусеилыргаратә комиссиа адоумент абзоурала атәым мчқәа дара изыдгыло ауаа зеиҧшроу еилкааны, «Амилаҭтә ҵысра» адиктатортә режим иақәыӡбар рылшоит. Аганқәа зегьы уи еиҧш алшара рымоуп. Атәымуаа зегьы рахь ааҧхьара ҟасҵоит ари ашанс рхы иадырхәарц», — иҳәеит Шьалуа Папуашвили.

Апарламент ахантәаҩыт аусеилыргаратә комиссиа алахәылацәеи акомиссиа ахантәаҩы Ҭеа Ҵулукиании имҩаҧыргаз аусуразы  ҭабуп ҳәа реиҳәеит.