Евронест асессиа Аахыҵ Кавказ арегионаҿ имҩаҧысуеит, аха, Қырҭтәылеи Азербаиџьани уи иалахәым, уи алагьы иубарҭоуп Европарламент ахымҩаҧгашьа шиашам, ари афарс аҽалархәра ҳгәы иҭам, – иҳәеит Қырҭтәыла апарламент ахантәаҩы Шьалуа Папуашвили ажурналистцәа данрацәажәоз.

Иара иажәақәа рыла, лабҿаба иубарҭоуп Европарламентаҿ Асовет Еидгыла ашьҭахьтәи, акоммунизм ашьҭахьтәи анырра шыҟоу.

„Горбачиов иҩыза Раса Иукневичиене  лхымҩаҧгашьа уамашәа иубаратәы иҟам, Евроеидгылаҿ асоветтә аамҭақәа рхаантәи астильла иҟарҵо ашьаҿақәа ҳрышьцылахаьеит, лабҿаба иубарҭоуп Европарламентаҿ Асовет Еидгыла ашьҭахьтәи, акоммунизм ашьҭахьтәи анырра шыҟоу, дара ақырҭуа жәлар рхылаҧшра азин рымазароуп ҳәа   ргәы изаанаго сзеилкаауам “, – иҳәеит Шьалуа Папуашвили.

Қырҭтәыла апарламентаҿ иҟоу евроинтеграциа азҵаарақәа рзы акомитет ахантәаҩы Леван Махашвили Евронест Апарламенттә Ассамбеиашҟа ашәҟәы дәықәҵаны, иаҵшьны иазгәеиҭеит Қырҭтәыла апарламенттә делегациа  Ереван имҩаҧысуа Евронест 12-тәи апленартә аилатәарашҟа ишымнеиуа. Махашвили иажәақәа рыла,  аҵыхәтәантәи аамҭазы Евронест Апарламенттә Ассамблеиа иҟанаҵаз ашьаҿақәа агәынамӡара ду рызцәырнагеит ассамблеиа ашьаҭакратә актәи Мрагыларатә партниорра Прагатәи асаммит аҿы еицрыдыркылаз адекларациеи рхадаратә принципқәеи рхықәкқәеи реилагара амшала.